MNEA Vizita Kortezia ba MAP

Estrela inativaEstrela inativaEstrela inativaEstrela inativaEstrela inativa
 

Fotografia/Canisio/INFO-MAP

Dili-Ministra Negosiu Estranjeiru Australia, (MNEA) Penny Wong, halo vizita ba MAP hodi haree direita servisu Ministériu Agrikultura e Peskas, (MAP) nian durante hala’o hamutuk ho Guvernu Australia liu hosi Parseiru Dezenvolvimentu sira hanesan ACIAR, Tomak, Word Fish no AI-COM iha Seitór Agrikultura no Peskas.

Iha Vizita ne’e simu direita hosi Ministru MAP Pedro dos Reis hamutuk ho Vise Ministru MAP Abilio Xavier de Araujo no komitiva, iha Edifisiu MAP Comoro loron Kinta-feira, 01/09/2022.

Iha intervista Ministru MAP Pedro dos Reis hateten, Ministra Negosiu Estranjeiru Austrália vizita MAP ida ne’e sai hanesan priveleju boot mai Ministériu. Tanba MAP iha ligasaun servisu ho parseiru dezenvolvimentu hanesan ACIAR, Tomak, no AI-COM, ho tan programa sira seluk-seluk. Espera katak ho vizita ne’e iha komunikasaun di’ak ho Ministra Negosiu Estranjeiru Australia nian, (MNEA) ba futuru dalaruma sei bele buka tempu oinsa halo diskusaun ba iha servisu tekniku nian.

“ba futuru sei kontinua kolaborasaun atu servisu hamutuk nafatin ho parseiru dezenvolvimentu ne’ebé  mak suporta hosi governu Austrália nian tenke hametin liu tan planu ba futuru nian oinsa para bele di’ak liu tan atu nune’e bele susesu di’ak liu tan ba iha povu Timor-Leste”, dehan Mnistru MAP Pedro

Ministru Pedro informa, australia interese tebes atu tulun Timor-Leste iha seitór  agrikultura no Peskas tanba haree ba Povo Timor-Leste Maioria halo atividade agrikultura nian.

Fotografia/Canisio/INFO-MAP

Iha fati hanesan Ministra Negósiu Estranjeiru Austrália Penny Wong  iha nia diskursu katak, sente onradu ba Ministru MAP no Komitiva sira bele simu MNEA.

“Hau sente onradu ba Ministru MAP no komitiva hotu ne’ebe simu hau furak loos iha fatin ida ne’e,  Ministériu ida ne’e iha kna’ar importante atu tau matan ba imi nia toos nain sira ka agrikultór sira, ida ne’ebe importante tebes ba iha MAP atu halo nia kna’ar ba povo Timor-Leste nia servisu importante tebes ba seguransa ai-han hasa’e ekonomia ba ita nia povo nia moris”, Tenik Penny Wong 

  Neduni vizita ne’e nu’udar reprezenta Guvernu foun husi Austrália nian mai vizita Timor-Leste, ita iha istoria iha tempu uluk, istoria agora no ba oin mai parte hosi servisu importante ne’ebe atu hala’o hamutuk oinsa maka atu hasa’e produsaun  iha seitór Agrikultura, Ortikultura, Pecuaria, Peskas no Floresta iha tempu oin mai.

Iha Vizita ne’e MNEA Penny Wong sente kontente tebes tanba sentru ba Peskiza Internasional ba iha ACIAR, apoiu povo Timor-Leste atu hala’o peskiza ba hasa’e ai-han nomós seguransa ai-han iha Timor-Leste.

Durante ne’e MAP hetan apoiu makas hosi Governu Australia liu hosi Parseiru sira hanesan ACIAR, Tomak, Word Fish no AI-COM no Parseiru desenvolvimentu sira seluk. Rozerlopes

VISITA IHA  KANAL YOUTUBE (MAP-NEWS)

https://www.youtube.com/watch?v=6rx0b7OqYgQ

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login