Estudante 122 Sei Tuir Formasaun Iha Israel

Avaliação do Usuário

Estrela ativaEstrela ativaEstrela ativaEstrela ativaEstrela inativa
 

Fotografia/Canisio/INFO-MAP

Dili-Ministériu Agríklultura e Peskas (MAP) despedida ho estudante hamutuk 122 ba Etapa Da-VI nian kompostu hosi Mane 77 no Feto 45 ne’ebé mak atu ba tuir formasaun iha area agrikultura no ortikultura, ne’ebé sei viagem, ba Israel iha sesta-feira loron (2/09) iha arrava International for Agriculture Trainning (AICAT) liu-liu aprende kona-bá inovasaun síensia agrikultura iha Nasaun Israel.

Iha diskursu Ministru MAP Pedro dos Reis hateten katak, oportunidade ba tuir formasaun kona-bá ortikultura iha Nasaun Israel. iha Nasaun Israel tanba prosesu atu hetan oportunidade  ne’e naruk laos fasil.

 “Alin sira ne’ebé rejistu barak tebes ikus mai hetan selesionadu hamutuk 122 atu ba nasaun Israel hodi halo formasaun iha area agrikultura, estudante sira sei estudu iha Israel durante fulan 11 hodi partisipa formasaun aprende kona-bá estudu agrikultura avansadu iha nasaun Israel ne’e tenke aprende di’ak liu tan”,dehan Ministru Pedro iha Seremonia despedida ho estudante 122,  iha loron 1/09/ iha salaun MAP Comoro.

Tanba ne’e governu nia esperansa boot ba estudante hirak ne’ebe ba iha Israel atu aprende mós buat rua kursu no pratika iha kampu, fiar katak depois tinan ida iha Israel estudante sira mai bele tulun ona ita hotu liu hosi dezenvolvimentu hasa’e produtividade iha ita nia rai laran.

 “agradese ba Nasaun Isreael no parseiru ne’ebé mak prontu simu estudante hamutuk 122 ne’e, tanba estudante sira bele aprende kursu no pratika mós iha kampu to’os no natar ninian, parabens ba estundante sira tanba hetan oportunidade hodi ba tuir formasaun iha Israel, no inan-aman sira ne’ebé maka ho esforsu tomak bele  fo edukasaun ba oan sira hodi hetan oportunidade tuir formasaun ho tekniku ne’ebé iha area agrikultura no ortikultura nian”, Tenik Ministru

Fotografia/Canisio/INFO-MAP

Iha sorin seluk, Arcanjo Doutel Sarmento reprezentante familia estudante, sente orgolhu tanba oan graduasaun hosi UNTL nian iha Saúde animal hetan oportunidade hosi Guvernu liu hosi MAP bele loke Vaga ba estudante sira ne’ebé  sei ba estuda iha nasaun Israel.

“Nu’udar inan aman tau komfiansa ba oan sira ne’ebe mak ba aprende hodi fila mai bele dezenbolve ita nia rai liu-liu iha area agrikultura nian, tanba hare ba ita nia rai Timor area agricutura komesa husi Viqueque to Covalima  rai ne’ebe maka luan teb-tebes” Arcanjo koalia ho kontente

Nune’e mós estudante Vitor Joze Dias hateten, hanesan estudante kandidatura AICAT senti kontenti tebes mesmu ke prosesu ne’ebé naruk durante tinan ida liu nia laran ohin loron bele halo seremonia hodi despendida ho kandidatura AICAT nian ba priodu ida ne’e.

     “hanesan estudante kandidatura ba AICAT ba priodu ida ne’e hau senkonsentra hau nia-an tomak fokus ba iha sensia ne’ebé maka ami sei aprende iha kampus, servisu ne’ebé ami halao hamutuk ho traballadór sira iha Israel maibé hau fiar katak ami sei servisu hamutuk ho sira ami iha esprensia balun ne’ebé diak atu nune fila fali mai Timor iha kapasidade ne’ebé naton hodi bele dezenvolve ita nia rai liliu iha seitór agrikultura”, Vitor Esplika

Formadu hamutuk 122 tuir formasaun iha AICAT Israel kompostu husi mane 77 feto 45 mai husi alumi eskola teknika agrikola Natarbora, Fuiluro, Moleana, UNTL, UNPAZ, IPB, ETCI no UNITAL. RozerLopes

.VISITA IHA  KANAL YOUTUBE (MAP-NEWS)

https://www.youtube.com/watch?v=BIfGy7pZaH4

 

 

 

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login