DNEA Konvoka Enkontru Annual Servisu Extensaun Agricola iha Samfuk Suai Villa

Estrela inativaEstrela inativaEstrela inativaEstrela inativaEstrela inativa
 

Fotografia/Rozer/Informasaun-MAP

Covalima- Diresaun Nasionál Extensaun Agricola Konvoka enkontru annual ho koordenadór extensionista hamutuk tolu nulu-resin haat (34) ho objetivu atu halo avaliasaun no evaluasaun servisu extensionista sira durante tinan ida, enkontru ne’e hala’o iha loron kuarta feira (3/8/22) iha Samfuk Suai Villa.

Diretór Jerál Cooperasaun Dezenvolvimentu Instituisionál, César José da Cruz iha nia intrevista hateten katak, enkontru ne’e atu halo evalusaun no avaliasaun servisu extensaun nian iha munisípiu atu haree progresu servisu durante ne’e lao to’o ona iha ne’ebé, neduni liu hosi enkontru ne’e atu bele hatene rezultadu servisu no preokupasasaun ne’ebé mak extensionista sira infrenta.

Nia hatutan, preokupasaun extensionista sira nian mak transporte ne’ebe mak atu fasilita sira  hala’o servisu iha postu no suku sira tanba extensionista sira servisu iha  area rurais. Maibe ba oin MAP sei haree kona-ba preokupasaun ne’e katak nasionál mós sei tau orsamentu  ba apoiu servisu extensionista sira iha munisípiu maíbe wanhira sira lao mesak ona nasionál bele husik liman ona.

Diresaun servisu Agrikultura mós presija diskute iha nivél munisípiu ho Administradór sira atu tau orsamentu ba servisu extensionista liu-liu ba atividade saída mak inportante liu atu tau orsamentu refere. Tanba iha Despaixu Ministerial konjunta (DMK) no Kontrato Administartivu Interorganiku (KAI) ne’e katak domino seguransa alimentar no domino agrikultura ne’ebe mak haruka mai munisípiu kobre sub seitór hotu-hotu.

Primeiru tenki haree Rekursu umanu iha  munisípiu ne’e, Orsamentu ne’ebé mak teknikemente sira seidauk tau ne’e labele tau no ikus liu haree mós fontes orsamentu ne’ebé maka mai munisípiu katak munisípiu bele hamrik mesak ona entaun nasionál bele husik liman maibe agora dadaun nasionál tau nafatin orsamentu ba servisu extensaun agrikola atu tau fó kapasitasaun no worskop ka enkontru sira ne’e ne’ebe mak relasiona ho servisu  extensaun nia liu-liu Pratika Agrikultura Diak”, Tenik César

Fotografia/Rozer/Informasaun-MAP

Bazeia ba   decretu lei numeru 3/2016 katak ne’e laos  ba agrikultura de’it ne’e konjunta neduni seguransa alimentar sai nu’udar koodenadór ba sira seluk, tanba kompetensia ne’e atu fó ba munisípiu tenki haree ba kasipasidade  kada munisípiu atu jere oinsa, servisu extensaun liga ba Despaixu  Ministerial Konjunta ne’e   la involve maibe dekretu lei ne’e altera fali ba numeru 54 ne’e  Extensaun ho floresta tama ka involve maibe buat rua ne’e seidauk kondis lolos ho orasmentu ne’ebé maka munísipiu tau tanba ne’e maka kada diresaun nasionál sei nafatin tau  orsamentu atu hala’o servisu tekniku maibe atividade hirak ne’e ita hala’o bazeia ba lei numeru 3/2016 ne’e katak kompetensia ne’ebé mak ita fó ba domino  seguransa alimentar  nomos ba domino agrikultura.

Iha fatin hanesan, Diretór servisu Agrikultura Munisípiu Covalima Domingos Gusmão mós informa, enkontru ne’e husu ba estensionista idaidak atu evalua servisu idaidak ho ninian no funsionamentu iha estensaun agricola iha munisípiu Covalima saida mak halo ona durante tinan ida nia laran no mós ida ne’ebé sedauk atinje.

Tanba ne’e tuir lei ne’ebé mak iha kria ligasaun foun, diresaun foun servisu agrikultura munisípiu ne’ebé hola parte iha diresaun ne’e iha departementu rua, departementu programa Estensaun Agricola no Departementu Pecuaria no Veterinaria. 

dezafiu ne’ebé mak estensionista sira hasoru mak liga liu ba fasilidade, hanesan transporte,  motorizadas ba estensionista sira tanba tranporte ne’ebé uza iha tempu naruk tama ona iha lelaun maibé sira nain rasik mak lelaun, kondisaun grave ne’ebé sira laiha ona direitu atu hetan kupon mina hosi estadu, dezafiu ida seluk mak distansia dook presija tranporte nune’e sira rasik mak esforsu ho sira nia tranporte rasik hodi halo servisu”,

Iha enkontru ne’e mós  entrega sertifikadu  kona-ba Skill Komunikasaun no fasilitasaun  nomos entrega flasdisk  konaba video PAD ba extensionista suku iha Covalima. (E"S)

VISITA IHA  KANAL YOUTUBE (MAP-NEWS)

https://www.youtube.com/watch?v=LS3OU16c-lM&t=70s

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login