DNEA Halo Enkontru Annual Ho Estensionista Munisípiu Bobonaro

Estrela inativaEstrela inativaEstrela inativaEstrela inativaEstrela inativa
 

 Bobonaro-Ministério Agríkultura e Pescas liu hosi Diresaun Nasionál Extensaun Agrikola (DNEA) halo enkontru annual ho Estensionista Munisípiu Bobonaro hodi haree kona-ba Evaluasaun no Avaliasaun servisu Extensaun nian iha tinan 2022.

Iha enkontru Diretór Nasionál Extensaun Agrikola (DNEA), Oscar Monteiro Gonçalves esplika, enkontru annual ne’e atu halo evaluasaun no avaliasaun servisu extensaun agrikola nian iha munisípiu idak-idak atu nune’e bele hatene servisu ne’ebé mak sira hala’o durante tinan ida nia laran. Tanba atu dezenvolve servisu estensionista sira nia presiza prepara rekurus umanu, rekursu finanseiru inklui rekursu ba apoiu.

“preokupasaun barak hau rona desde tinan ida liu ba ho ita boot sira nia preokupasaun ba orsamentu operasional no demplot, hosi Nasionál sei tetu took buat ne’ebé mak ita fo ona mai iha ne’e la’os ita dada fali maibé nafatin iha Munisípiu  ho ita boot sira nia atividade iha tinan ida ne’e Ministériu haree maibé hau labele promete, ita la’o lai ba kuandu buat ne’e sai mak ita kontinua servisu,” Tenik Diretór Oscar iha enkontru annual ho Estensionista sira iha salaun Servisu Mekanizasaun Tunubibi. Loron kuarta-feira (27/07/22).

Iha fatin hanesan, Diretór Servisu Agríkultura Munisípiu Bobonaro Alberto Lopes Gomes hateten, objetivu hosi enkontru annual ne’e atu haree lala’ok servisu iha area extensaun iha nível Munisípiu atu avalia servisu annual no rezultadu servisu iha tinan 2022.

Fotografia/Reno/INFO-MAP

“Aproveita tempu ida ne’e hakarak hato’o ba DNEA katak, Diresaun Nasionál lubuk ida iha Dili fokus hotu ba iha  estensionista sira iha territorio laran tomak sira nia kna’ar laos atu responsabiliza ba extensaun de’it maibé servisu hotu hosi Diresaun Tekniku ne’ebé eziste iha Ministériu ne’e iha sira nia kabas hotu, alende ita nia parseiru no ita nia servisu iha Munisipal ne’e rasik hotu-hotu tula ba sira”. Dehan Alberto

Nune’e mos Xefi Departementu Extensaun Servisu Munisípiu Bobonaro Joaquim Sequeira mós informa, sira nia osan operasional la iha, hanesan estensionista sente triste tanba osan operasional ne’e laos foin agora atu aprova maibé uluk kedan osan ne’e iha maibé ikus mai osan operasional la iha maibé estensionista nia servisu atu atende servisu ba komunidade sira la’o nafatin.

Neduni nia mós rekomenda ba DNEA tenke tau atensaun duni tanba estensionista iha baze sai abut ida ba iha MAP.

Total estensionista iha Munisípiu Bobonaro hamutuk 46, nain ida asumi kna’ar nu’udar xefia Departementu no ida seluk nu’udar senior estensionista no nain neen assume mós kna’ar hanesan kordenadór estensionista Postu maibé destaka mós iha suku.

“Preokupasaun ida mai iha Departementu Extensaun Munisípiu Bobonaro ho area Bobonaro luan ho total suku 50, maibé total estensionista ativu hamutuk 44 ne’e sai problema ida tanba iha suku balu mamuk”, esplika Joaquim.

Iha enkontru annual ne’e hetan Partisipasaun maximu hosi Diretór DNEA Oscar M. Gonçalves ho ekipa, Diretór Munisípiu, Xefe Departementu no estensionista suku. (Rozer Ximenes Lopes)

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login