Notisia

DNPV Lansa Laboratórium Diagnóstiku Veterinária

Estrela inativaEstrela inativaEstrela inativaEstrela inativaEstrela inativa
 

Fotografia/Reno/INFO-MAP

Dili-Ministériu Agrikultura e Peskas (MAP), liu hosi Diresaun Nasionál Veterinária ho Parseiru Desenvimentu Australia, halo Lansamentu ba Laboratórium Diagnóstiiku Veterinária, oinsa bele halo Diagnóstiku ba moras animal nian iha Timor-Leste.

Serimonia lansamentu ne’e hala’o iha loron Sesta feira,17/06/22/ iha edifisiu laboratórium diagnóstiiku Veterinária Matadoru.

 Ministru Pedro dos Reis iha diskursu hateten,inagura laboratórium veterinária ne’e di’ak tebes, tanba ba oin bele uza hodi halo diagnóstiku ba moras animál nian iha Timor-Leste.

Pedro hatutan, ho inagurasaun ba laboratorium ne’e nu’udar susesu ida ba MAP, oinsa bele ajuda liu tan servisu tekniku sira iha futuru.

Neduni  hanesan ita hatene moras ne’ebé mak grave liu  iha tinan 2019 ne’ebé afeita liu ba fahi African Swine Fever (ASF), ne’ebé  mak  halo  komunidade  sira nia animál fahi kuaze rihun ida atus ida lima nulu-resin (1.150) mak mate.

“Bainhira sedauk iha laboratórium ita lori amostra ba halo teste iha Indonesia no Australia. Nune’e MAP orgullu tanba bele hetan laboratorium ne’ebé suporta hosi embasadór Australia iha Timor-Leste hodi  estabelese ona Laboratórium ne’ebé di’ak nune’e bainhira atu halo teste ruma ba animál la presija lori ba liur ona,” katak, Governante ne’e.

Fotografia/Reno/INFO-MAP

Ministru lori governu nia naran husu ba governu Australia hodi nafatin fó apoiu Timor-Leste ho area oioin hodi dezenvolve Nasaun ne’e ba oin no nafatin apela mós ba tékniku sira atu bele kuidadu Laboratórium ne’ebé mak oferese hosi embasadór ne’e  atu bele  utiliza fasilidade sira ho di’ak tuir servisu nian.

Iha fatin hanesan, Diretór Jéral Pekuaria e Veterinaria MAP, Domingos Gusmão

dehan, laboratórium ida ne’ebé mak uza ona teknolojia  avansadu hodi bele deteta ba moras animál.

Tanba ne’e mak agradese ba embasadór Australia no doadór sira ne’ebé finansia fundu hodi apoiu estabelese ona laboratórium nune’e hodi dezenvolve Rai ida ne’e.

Nune’e mós Embasadór Australia Bill Costelo iha Timor-Leste haktuir, Nasaun rua ne’e servisu hamutuk desde tinan 2002 to agora. Susesu ne’ebé mak ohin loron selebra iha ne’e esforsu sira ne’ebé mak durante ne’e lao hela, liu hosi TOMAK, kona-ba atividade agrikultura lobuk ida ne’ebé mak suporta iha ne’ebá no mós kona-bá MDF, no moras sira hanesan African Swine Fever (ASF) moras fahi.

“Ha’u kontente tebes tanba Australian bele ajuda Timor-Leste atraves programa agrikulturaVitoria nian liga ba oinsa Timor-Leste responde ba moras African Swine Fever (ASF) no Programa ne’e ho nia totál milliaun $ 1.3,”dehan Bill Costelo.

Serimonia lansamentu ne’e hetan partisipasaun hosi Embasadór Australia  iha Timor_Leste, Memburu Parlamentu Comisaun D, no Dosente UNTL.(Fina)

 VISITA IHA  KANAL YOUTUBE (MAP-NEWS)

https://www.youtube.com/watch?v=A0KsEhz_aD0

 

 

 

 

                                                                                           

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login