Notisia

MAP Rekolla Rede Kaer Ikan Iha Munisípiu Baucau

Estrela inativaEstrela inativaEstrela inativaEstrela inativaEstrela inativa
 

Fotografia/Norberto/INFO-MAP

Baucau-Ministério Agríkultura e Peska (MAP) liu hosi Diresaun Jeral Pescas Direcção Nacional de Inspecção das Pescas e dos Recursos Aquaticos (DNIPRA) rekolla rede kaer ikan matan ki'ik  liu poligada 1 ou Inc/1 ne’ebe utiliza hela hosi Peskador sira iha Postu Administrativu Vemasse. Iha loron Kuarta(01/06/22).

Relasiona ho atividade rekolla rede kaer ikan ne’e, xefe Departamentu do Supervisão do Gestão dos Rercusus Marinhos, Pescas e Pciculturas Pedro Antero Maria Rodrigues esplika, tuir Dekretu Lei Númeru 6/2004, artigu 87 hateten, redi  ne’ebe maka Peskador sira uza ne’e matan kiik liu. Tanba Lei bandu.Iha artigu 87 dehan katak, redi hanesan ne’e la bele importa no la bele fan iha Timor laran tomak,

 “Ita fo oportunidade ba ikan sira moris sai boot maka ita bele ka’er maibe redi ne’e laos hanesan iha Timor de’it, maibe redi matan kiik ne’e iha mundu tomak, hot-hotu bandu, ne’e duni ami tenki foti”.haktuir Xefe Departementu ne’e

Tanba ne’e hosi Diresaun Nasionál Inspesaun laiha tolera kona-ba ida ne’e, tanba servisu mak oinsa atu haree ba buat ne’ebe maka lalos ita halo loos  kona-ba ema atu mai troka ne’e laos departementu ne’e nia servisu. Atu  koalia ho Peskador sira katak labele ona uza tan rede refere, se sira uza nafatin  maka hakarak ou lakohi tenki foti.

Fotografia/Norberto/INFO-MAP

Pedro hatutan, Redi sira ne’e bele dehan katak, tama iha kategoria illegal tanba lei bandu la bele Importa no la bele faan, maibe realidade iha loja rua maka fa’an iha Dili, ne’ebe ita ko’alia ona ho sira atu la bele faan tan, bainhira sei kontinua faan tan maka sei prosesu tuir lei ne’ebe maka vigora ona.

Iha fatin hanesan Xefe Departamentu Reprezenta Territorial Pescas e Aquicultura Munisipiu Baucau Estevão da silva hatutan katak, sira sempre halo dezaminasaun ba lei sira, redi ne’ebe estadu bandu ita labele utiliza labele uza duni, maibe Peskador sira iha ne’e hatene ona maibe sira kontinua utiliza, tanba ne’e maka agora tenki rekolla duni.

“Ami halo ona dessaminasaun lei komesa iha tinan 2010 no Peskador sira hatene hela maibe sira kontinua utiliza nafatin rede ne’e, tanba ne’e maka hakarak ka lakoi ami tenki foti no ami tenki eduka duni ami nia peskador sira sai ema ne’ebe diak atu proteze ikan oan ne’ebe iha. Tanba ikan oan ne’ebe sei ki’ik hela ita labele kaer, husik lai to’o ikan bo’ot maka ita bele kaer atu ita kontinua kaer ba iha futuru entaun ida ne’e maka ami halo relatorio diretamente ba Dirasaun Jeral Pescas ne’e atu oinsa ami bele kopera hamutuk bele foti redi ne’ebe matan kiiik ne’e.” hateten Estevão   

Nune’e mos Xefe Centru Pescador Edan Eduardo da silva esplika katak, sira nia membru ne’ebe maka halo atividade peskas hamutuk 87 no Ró hamutuk 118 sasan hirak ne’e sira maka sosa rasik la hetan apoiu hosi Governu, area ne’ebe sira kaer maka parte Vemasse nian la iha tan area seluk.

“Ami mos hakarak koopera ho Governu bele mai rekolla ami nia redi matan kiik, hau rasik maka nu’udar kordenador Xefi iha ne’e, hau mos enkontru ona ho parte Estadu hodi ko’alia kona-ba redi refere,  tanba ne’e hau mos hakarak husu ba Governu atu haruka loja ne’ebe faan rede ne’e atu taka tiha atu ami labele sosa tan.” Edan Lamenta

Nune’e peskador Nivio da Costa sente triste, tanba durante ne’e sira nia moris hanesan peskador hodi sustenta sira nia uma laran, tanba ne’e maka sira hatene hela katak Lei bandu maibe sira kontinua halo tanba ejijensia moris. Maibe agora sira mos koopera hodi rekolla ona rede refere.

 VISITA IHA  KANAL YOUTUBE (MAP-NEWS)

https://youtu.be/4_1_DJ3aA9k

 

 

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login