Notisia

MAP HAPAS No Banco Mundial Distribui Trator Ba Grupu Benefisiariu Sira Iha Munisipio Covalima

Estrela inativaEstrela inativaEstrela inativaEstrela inativaEstrela inativa
 

Fotografia/Rommy/INFO-MAP

Covalima-Ministério Agríkultura e Pescas (MAP) liu husi Projeitu Hasa’e Produtividade Agríkultura Sustentavel (HAPAS) ne’ebe finansia husi Banco Mundial apoiu ona grupu Agrikultór sira ne’ebe maka pertense ba iha  Basia Hidrografika ha’at (4) hanesan Tono Oecusse, Raumoco Lautem, Belulik Covalima no Ainaro, Loes Bobonaro Liquiça no Ermera, hodi hala’o sira nia atividade iha area sira hanesan Agríkultura, Hortikultura, Pecuaria, Peskas no mos Floresta hodi sustenta ekonomia uma laran.

Relasiona ho asunto ne’e Ministro MAP Pedro dos Reis ho nia comitiva tomak, Team Leader Banco Mundial Vicas Choughy no mos Country Representive TL Bernard Harbone halo vizita diretamente ba grupu Agrikulór sira ao mesmo tempu distribui mos trator ho unidade ha’at ba Grupu Agrikultór sira hodi bele hala’o sira nia servisu iha area natar nian. Atividade ne’e hala’o iha loron segunda (30/05/22) iha Suku Raimea Posto Administrativu Zumalai.

Iha intrevista Ministro MAP Pedro dos Reis esplika katak, ohin (rad) Segunda MAP servisu hamutuk ho projeitu SAPIP mai fahe fasilidade balu hanesan trator  no mos Fundus balun ba iha grupu agrikultór ne’ebe maka forma ona husi SAPIP nian, antes sira atu hetan apoiu hirak ne’e nia prosesu ne’e kleur ona, tanba prosesu Banco Mundial ne’e rigorozu tebes sei hare halo didiak no ohin foin hetan nia rezultadu atu hetan trator ha’at no fundus refere.

“Iha hau nia intervensaun hau dehan katak ha’at ne’e de’it sei la to’o tanba hare ba area kultivasaun ne’e bo’ot tebes, hau mos husu ona ba iha Banco Mundial oinsa atu bele hare ba iha futuru. Hanesan Ministro hau nia orientasaun maka ne’e labele hare ba montante, lori tok ituan ne’e halo netik buat ruma, atu bele atrai nafatin vontade husi ita nia parseiru dezenvovimentu sira bele ajuda ita ba oin, ba grupu sira ne’ebe maka hetan ona oportunidade favor kuidadu sasan sira ne’e halo didiak hodi hatudu rezultadu atu nune’e ita bele husu mos apoiu husi ita nia parseiru ou ajensia sira seluk, no sira mos kontenti atu ajuda ita tanba ita iha vontade duni agora dadauk ita nia area kultiva bo’ot iha Timor laran ne’e labele dezenvolve hotu tanba ita iha limitasaun.tenik Ministro MAP

Fotografia/Rommy/INFO-MAP 

Iha fatin Hanesan Diretora Projeitu SAPIP Ervina Soares Pinto hakarak hato’o ninia Bem Vindo ba Sr. Bernard ho Sr. Vicas ne’ebe maka hakat mai iha fatin ida ne’e tanba ida ne’e hanesan vizita primeiro mai iha fatin ida ne’e, hakarak hato’o mos Bem Vindo ba Sr. Ministro MAP ne’ebe maka ho nia disponibilidade tomak bele hakat mai iha fatin ida ne’e.

Hakarak informa de’it katak iha Suku ida ne’e total Grupu 26, iha grupu sanolu (16) resin ne’en hetan ona apoiu orsamentu, no  iha grupu sanolu (10) maka ohin foin atu simu. Ohin iha mos   tratores ho unidade (4) ne’ebe maka sei kontinua fahe ba grupu sira hodi hala’o sira nia atiividade iha area natar nian.

Nune’e mos Team Leader Banco Mundial Vicas Choughy senti kontenti tebes tanba bele ba hare diretamente agrikultór sira nia servisu ne’ebe maka sira halo, sira hare katak agrikultór sira nia servisu ne’e interesante tebes, iha snia parte nia senti kontente tebes tanba bele servisu ho MAP hodi tulun ona grupu Agrikultór sira.

“Ohin ami entrega trator balu diak tebes agrikultor sira simu trator ne’e ami espera katak sira sei kuidadu hanesan sira kuidadu sira nia oan, e depois produsaun fos mos sei aumenta. Ida ne’e hanesan projeitu ida ba Governu Timor Leste nian MAP maka agora implementa programa ne’e no Banco Mundial maka hanesan Finansiador sira maka selu. Iha atividade lobuk ida maka sira suporta hanesan trator sira no importante atu hare mos atividade sira seluk alende fahe ekipamentus hirak ne’e.” hateten Team Leader ne’e

Entretantu Leonito do Nascimento hanesan Oficial Projeito iha Munisipio Covalima esplika katak, Objetivu husi loron ohin ne’e hanesan vizita espesial husi Banco Mundial no mos Excelensia Ministro MAP ho nia ekipa tomak ohin mai iha Suco Raimea, objetivu lolos maka primeiru atu entrega fundus ki’ik ba grupu rua maka hensan grupu fuan domin no grupu hae oan, alende entrega fundus ki;ik Ministro mos sei entrega savi trator ha’at ba iha grupu rua ne’ebe maka halo atividade hala’I natar ninian.

Nia salient katak, Tuir regulamentu katak trator ne’ebe maka fahe ona ba iha Grupu sira, sira maka sei uza hodi bele halo natar tuir area ne’ebe maka sira iha. Tuir dadus ne’ebe maka tama mai katak iha grupu fuan domin nian iha 32 hektares no grupu hae ona nian iha 45 hektares. Bazeia ba dadus ne’e maka ita aprova sira nia proposal ne’ebe maka sira submete mai iha SAPIP.

Nune’e mos Xefi Grupu Hae Oan Crispin Gonjaga senti kontenti tebes tanba apoiu ne’ebe maka iha atu bele hakma’an servisu iha terenu.

Nia informa sira nia servisu maka halo natar, ne’ebe ba sasan hanesan trator ne’ebe maka simu ne’e sira senti kontenti tebes. Hanesan xefi grupu nia mos organiza nia membru sira servisu hamutuk loron ida loron loron la oho diak tebes to ohin loron. Se karik sira iha problrma ruma sempre rezolve ho diak, sira mos halo enkontru kada semana dala ida hodi hare ba sira nis servisu total membru 22 kompstu husi Mane 19 no feto 3.

Depois de remata atividade iha Suco Raimea, Ministro MAP ho nia komitiva kontinua kolleta ikan be’e midar ou lele Jumbo iha Bolmeta Suco Suro Kraik Posto Administrativu  Ainaro Villa Munisipio Ainaro.

 VISITA IHA  KANAL YOUTUBE (MAP-NEWS)

https://www.youtube.com/watch?v=99ijAHdcR8A

 

                                                                                                         

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login