Notisia

DJCDI HALA’O ENKONTRU HO KARGU XEFIA FOUN  BA PLANU MAP 2021-2025

Fotografia/Reno/INFO-MAP

 

Díli-Diretór-Jerál Cooperasaun Dezenvolvimentu Intituisaun (DJCDI), hala’o enkontru ho kargu Xefi departamentu foun sira inklui Diretór Nasionál  sira hodi  ko’alia kona-bá planu no Programa Ministériu nian ba Tinan 2021-2025. Enkontru ne’e hala’o iha loron segunda-feira(1/3/21) iha salaun MAP komoro.

Diretór Jerál César José da Cruz,  ba ekipa informasaun hatete, Objetivu prinsipál hosi enkontru ida ne’e atu prepara planu ne’ebé prioridade Iha Ministériu ninia ne’ebé sei implementa iha planu estratejia Dezenvolvimentu Nasionál Planu Ministériu ba 2021-2025, neduni atividade sira ne’e sei tau hamutuk, ba  dia 4 Marsu iha Reuniaun ho Diretór Jerál sira atu haree programa sira  ho naran mega Programa.

César haktuir Enkontru ida ne’e mós atu halibur diretór sira hodi fó hanoin hamutuk bele hakerek iha mega programa 5, kona-bá atividade Ministériu nian,

Nia Esplika, Reniaun ida ne’e sosializasaun Jerál kooperasaun Dezenvolvimentu nasionál atu haree ninia metas no politikamente atu implementa oinsa.

 Planu sira ne’e hotu tenki lao tuir mós planu Estrategia Dezenvolvimentu Nasionál 2011-2030, neduni oinsa mak tau planu sira ne’e hamutuk ho vizaun ba 2030 ninian, ne’e mak ohin ita halo Reniaun ida ne’e, nune’e Diretór sira fó sira nia hanoin katak los duni ida ne’e mak planu prinsipál atu sai Prioridades ba Diresaun Jerál Kooperasaun Dezenvolvimentu Intitusionál.

Fotografia/Reno/INFO-MAP

“Mega programa lima ne’e mak haree kona-bá Agríkultura, Agrokomersiu, Peskiza, estensaun, seguransa aliementar no Agríkolas, sira ne’e hotu sei tau hamutuk mega programa sira ne’e para atu diskute iha loron 4 fulan ne’e (Marsu),” Tenik César

Iha fatin,  Xefe Departementu Formasaun No Kapasitasaun Rui Amaral Pereira hateten,  enkontru ne’e hanesan konsolida servisu no halo preprasaun planu ba dia 4 Marsu, atu halo aprezentasaun iha Diretór Jerál sira hotu, tanba ne’e mak ohin ami hamutuk hodi hato’o ideas sira bainhira halo aprezentasaun iha enkontru tuir mai.

Rui esplika Liu hosi Diresaun Estensaun Agríkola (DNEA), ho departementu tolu Informasaun, Kapasitasaun no Programa, atu tau prioridade liu oinsa atu hasa’e kapasidade Estensionista sira iha baze liu husi formasaun atu lao diak iha futuru alende ne’e mós bele apoiu mós programa sira ne’ebé mak Diresaun Nasionál seluk hato’o.

Partisipa iha enkontru ne’e Diretór no kargu Xefia foun sira husi departementu idaidak. Fyna

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login