Notisia

MAP HALA’O   ENKONTRU HODI DISKUTE KONA-BÁ ESTATUTO KONSSANTIL FOUN

Fotografia/Elsio Jong/INFO-MAP

Díli- Ministériu Agríkultura no Peskas (MAP), no grupu Tékniku Permanente Konsellu Nasionál Seguransa Soberania Alimentar e Nutrisaun Timor-Leste,(KONSSANTIL) hosi Nível Diretór Jerál hamutuk ho parseiru sira hala’o enkontru hodi duskuti lei KONSSANTIL foun  nian molok aprezenta ba iha Konsellu Ministru.   

Ministru Agríkultura no Peskas, Pedro dos Reis iha Entrevista hatete katak, KONSSANTIL ne’e hari’i kleur ona, entaun ami presiza tu’ur hamutuk hodi formula nia estatutu hodi deside nia ekipa ida, nune’e bele halo aprezentasaun ba iha konsellu Ministru. Enkontru ne’e hala’o iha loron Tersa (23/02) iha Salaun MAP Comoro.

Pedro hatutan, papel KONSSANTIL nian importante tebes tanba liga liu ba seguransa ai-han no nutrisaun, iha tinan kotuk ita rona Timor-Leste iha problema ai-han laiha no mal nutrisaun, ne’e hanesan atake ida ba ita, liliu ba ita-nia  povu rasik. Tanba ne’e liu hosi programa KONSSANTIL ne’e oinsa bele haree hamutuk bele redus mal nutrisaun iha ita- nia rai laran.

Nia esplika, Prezensa KONSSANTIL nian tenki funsiona ho diak, nune’e mak orienta ona Diretór Jerál no Liña Ministeriais sira tu’ur hamutuk hamosu ekipa ida ne’e, hodi elabora lalais estatutu foun atu aprezenta ba Konsellu Ministru.

Fotografia/Elsio Jong/INFO-MAP

“Tanba ne’e sei nomeia ema nain tolu ou haat nune’e ita tau fiar atu sira bele halo servisu, tanba ita nia Targetu mak atu hadia seguransa ai-han no nutrisaun iha Rai laran nun’e bele minimiza Problema Mal Nutrisaun,iha ita nia rai laran”. Pedro akresenta

Iha fatin hanesan,  reprezentante FAO Paula Lopes da Cruz, iha nia aprezentasaun katak, sistema aihan inklui rekursu hotu  hanesan, produsaun, transportasaun, prosesamentu, industria manufatura, retallu, hirak ne’e hotu mak prosesu ne’ebe liga ba aihan.Tanba ne’e ema hot-hotu tenki tau importansia mós ba ai-han.

Nia informa, kolia kona-bá seguransa alimentar presija haree mós fatores lubuk ida ne’ebé kontribui ba ambiente no ema ida-idak nia koiñesementu atu hili tipu aihan ne’ebé mak nutritivu. Tyfa   

 

Tags:

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login