Notisia

JOVEM RUA NULU (20) PARTISIPA TREINAMENTU KONA-BÁ JESTAUN AMBIENTAL IHA CENTRU TIBAR

Fotografia/Elsio Jong/INFO-MAP

Likísa - Ministériu Agríkultura No Peskas (MAP) liu hosi Parseiru Dezenvolvimentu Conservation Internasional (CI) Fó Treinamentu Ba Jovem Rua Nulu (20) Husi Munisipiu Rua, Ermera No Likísa durante fulan ida hahu hosi loron 1 Fevereiru  ate 31 fulan Marsu tinan ida ne’e, treinamentu   Kona-bá Jestaun Ambientál Hodi Hasa’e Koiñesementu Jovem Liliu Iha Area Holtikultura. Treinamentu ba jovem ne’e ofisialmente loke hosi Vise Ministru Agríkultura no Peskas Abílio Xavier  de Araújo, iha loron Segunda-feira (_1/2/2021) Sentru Formasaun Profesionál Tibar.

Iha diskursu Vise Ministru Agríkultura no Peskas hatete, iha  anu letivo ida ne’e Conservasaun Internasional hamutuk ho Sentru Formasaun sira atu dezenvolve sentru formasaun iha Timor-Leste iha aspeitu lubuk ida hanesan dezenvolve rekursu naturais,  tamba ne’e maka kolia ba rekursu naturais mak presija dezenvolve rekursu umanu ne’ebé iha tanba situsaun ida ne’e mós iha ligasaun ba hortikultura

Vise ne’e hatutan, joventude sira husi munisipiu rua Likisa no Ermera, maka sai hanesan  sentru We-matan boot ne’ebé bele oferese mai Díli kapitál nasaun ne’e  iha múnisipiu rua ne’e nia liman. Neduni Presija tebes ita boot sira  atu  kuída ambiente ne’ebé diak, neduni presija tebes oinsa mak atu asegura ita- nia produtu sira ne’ebé mak interligadu ho hortikultura atu bele hadia ita-nia ekonomia, saúde hodi hateke di’ak ba ita-nia nasaun no ba moris diak povo ida ne’e”. Akresenta Vise Ministru

Fotografia/Elsio Jong/INFO-MAP

Iha sorin seluk Diretór Sentru Nasionál Empregu Formasaun Profisional Tibar (CNEFP),  Simão Tito Barreto informa, formasaun ida ne’e atu fó kbi’it ba  jovem sira atu ba hamutuk fali ho Inan-aman hodi servisu hamutuk iha espasu natureza ne’ebé Timor iha.

Nune’e mós,  Country Director Conservation Internasional-TL (CI), Manuel Mendes iha entrevista katak, servisu ne’ebé iha baze Presija apoiu husi jovem sira, tanba iha tinan haat nia laran CI implementa projeitu ida ne’e sei fó treinamentu ba joventude atus ida (100) husi suku sanulu ne’ebé sai tarjeitu ba implementasaun projetu ida ne’e rasik.

“Faze dahuluk hahu ho Sentru Formasaun Tibar ita sei halo formasaun ba joventude hamutuk rua nulu (20) mai husi suku Leorema, Fahilebu,  Linu no Ulmera,  dadaun ne'e sira iha ona Sentru Tibar”. Dehan Country Director.

Entretatu remata abertura Vise Ministru entregra mós livru manual ba formandus sira, alende ne’e halo mós vizita ba fatin formasaun no sentru viveiros hortikultura nian akompaña hosi Sekretario Estadu Formasaun Profesionál no  Emprego (SEFOPE) Alarico do Rosário, Diretór Jeral Sefope,  Country director Conservation Internasional-TL (CI) Manuel Mendes inklui Diretór Sentru Nasionál Empregu Formasaun Profisional Tibar (CNEFP) Simão Tito Barreto ho komitiva. (Fyna)

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login