Notisia

EKIPA HAPAS NASIONÁL HALO MONITORIZASAUN BA ATIVIDADE FUNDUS KI’IK IHA SUKU SORO

Fotografia/E

Ainaro-   Ministériu  Agríkultura e Peskas liu  hosi projeitu Hasa’e Produtividade Agríkultura Sustentavél    ( HAPAS) ne’ebé maka durante ne’e fó apoiu fundus ki’ik ba grupu benifisiariu iha minisipiu 7 ne’ebe sai alvu ba basias hidrografika  inklui Ainaro ne’ebé mak partense ba Basia Hidrografika Be lulik nian grupu sira ne’e hetan ona  apoiu fundus ki’ik fase dahuluk   no  dadaun ne’e grupu sira  hala’o hela  atividade bazeia ba proposta ne’ebé maka sira submete no grupu hirak ne’e hala’o ona treinamentu kona-ba eskola kampu ka farmer field School (FFS) hodi aprende oinsa maka halo adubus organiku no  halo prosesamentu hahan  ikan  nian uja material lokál  hosi toos rasik.

Neduni tersa-feira iha loron 15 fulan dezembru ne’e, diretór projeitu  Hapas  hanesan mós sekretáriu jerál MAP, Diretór nasionál floresta, Diretór nasionál Plantas Industrias, Administradór posto Adminitrativu ainaro, Diretór servisu agríkultura ainaro inklui  staf tekniku fundus ki’ik hala’o monitorizasaun ba atividade fisiku grupu 8 nian hanesan, hortikultura, kolan ikan, manu luhan no karau luhan  hodi haree dereta   progresu ba fase dahuluk nian ne’ebé lao diak tebes  iha aldeia gerudu suku soro  postu administrativu  Ainaro.

Administradór postu Ainaro hanesan mós vice presidenti ba komitte basias hidrografika Be lulik,  Nazario de Araujo hateten katak,  grupu sira ne’ebé simu ona fundus ki’ik ne’e  iha duni rezultadu tanba grupu  iha suku manutasi no soro  ne’e grupu sira hala’o duni atividade tuir  proposta tanba sira hatudu duni rezultadu maske foin  simu fase duhuluk nian.

Nia esklarese  katak, husu ba lider komunitariu sira tenki tau matan nafatin ba grupu sira ne’ebé maka eziste iha imi nia suku,  ita tenki ejije malu hodi hetan rezultadu tanba iha futuru mai rezultadu ne’e imi mak sei uja hodi hadia imi nia ekonomia laos atu fahe ba ema seluk neduni grupu sira tenki servisu hamutuk no servisu maka’as ba atividade hirak ne’ebe mak  hala’o  iha imi idak-idak nia fatin.

Administradór posto  mós loke sesaun treinamentu kona-ba eskola kampu ka FFS  ba grupu rua konaba hortikultura no grupu hakiak ikan be midar iha suku soro refere.  

Alende ne’e, kria grupu la’os de’it ba programa fundus ki’ik  de’it maibé kria grupu  atu apoiu ka ajuda malu entre membru grupu sekuandu membru balun presija ajuda imi bele ajuda malu hanesan hadia uma, dadaun ne’e tempu hamo’os du’ut  tenki ajuda malu  tanba kria grupu la’os de’it ba atividade fundus ki’ik nian de’it. Diretór  HAPAS, César José da Cruz  hato’o lia hirak ne’e iha sesaun treinamentu  eskola kampu nian ba grupu benifisiariu  iha suku Soro Ainaro villa.

Fotografia/E

 Ita la hahu ho fundus ki’ik ita sei labele halo buat boot ida neduni ha’u husu ba grupu sira tenki servisu hamutuk iha atividade saida de’it  e liu-liu ba atividade hapas nian tanba liu hosi fundus ki’ik ne’ebe mak ita-boot sira simu iha futuru  oin mai sei sai boot  no liu hosi atividade refere imi bele ajuda oan sir a ba eskola. Tenik nia

Nia hatutan,  liu hosi programa FFS ka eskola kampu ne’e laos atu eskola maibé  fó hanoin ba malu no fase esperiensia no matenek ne’ebé mak iha kona-oinsa oinsa mak halo adubus organiku no prosesamentu hahan ikan, karau no manu nia uja  material hosi to’os rasik no sei la gasta osan boot ba atividade refere.

Programa offisal HAPAS Ainaro,  Jorge  Manuel salienta, ohin ekipa nasionál  hamutuk ho ekipa munispiu nian hala’o monitorizasaun ba atividade  grupu 8 nian  iha suku soro ne’ebé maka sira simu ona  fundus ba fase dahuluk nian neduni liu hosi atividade ne’e atu bele haree progresu atividade  grupu nian iha kampu tanba fase dahuluk ne’e  hanesan fase preparasaun   atu haree dereta  atividade ne’e lao duni kalae tanba grupu sira tenki prepara rai ka manu luhan no karau luhan tenki tuir proposta ne’ebé mak sira hatama.

Nia esklarese tan, atividade ohin laos  monitorin de’it maibé grupu ualu (8)  iha mós treinamentu hanesan farmer field school ka eskola kampu tanba antes grupu sira implementa atividade kuda modo no hakiak ikan ka animal  hanesan  manu no karau sira tenki hatene uluk oinsa mak atu halo adubus organiku no prosesamentu hahan animál no ikan uja material lokál hosi sira nia to’os rasik e la presija sosa tan material hirak ne’e.

Alende ne’e xefe grupu  Hafini, Carlos de Araujo iha aldeia gerudu suku soro agrdaese ba programa Hapas tanba programa ne’e tama ba  iha sira nia hela fatin hodi fó apoiu fundus ki’ik sira hodi halo atividade  industria plantasaun hanesan kuda Vanili iha sira nia kintal ida-idak  neduni dadaun ne’e sira prepara ona fini vanili oan hamutuk 3.800 pes no fulan janeiru  tinan oin  sei distibui ba membru grupu  ida-idak atu kuda no obrigasaun ba mebru grupu  nian  tenki hatama fali osan dolares Amerikanu $.25 ba kaixa grupu nian banhira sira faan produsaun vanili ne’e rasik.

Durante  ne’e grupu  ne’e seidauk hetan apoiu hosi ajensia ka ONG sira seluk neduni sira kontenti tebes hetan apoiu hosi fundus ki’ik hosi Ministériu liu hosi projeitu Hapas ne’e tanba ho rezultadu hosi atividade kuda vanili ne’e    sei hadia ekonomia uma kain idak-idak nian. (E”S)

 

 

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login