Notisia

Formadu 28 hetan Sertifikadu hosi Diresaun Jerál Agríkultura e Irrigasaun

Fotografia/Reno/INFO-MAP

Natarbora –  Durante semana ida hahu hosi loron 9 ate 13 Novembru formadu 28 hosi  tékniku mekaniku no senior  Extentensionita hosi munispiu 7 hanesan Ainaro, Bobonaro, Covalima, Baucau, Manufahi Vikeke inklui Manatuto  tuir  treinamentu uja makina kuda hare hosi Kompañia Longping High Tech-Xina ne’ebé  durante ne’e servisu hamutuk ho Ministériu Agríkultura no Peskas liu hosi Diresaun Nasionál Agríkultura Hortikultura e Extensaun hetan sertifikadu depoizde  treinamentu iha Natabora  Munispiu Manatuto.

 Iha enseramentu treinamentu ne’e, Diretora Jerál Agrikultura e Irrigasaun,  Maria Odete do Céu  Guterres hatete katak,  hakarak hato’o agradese Kompañia Longping High Tech hosi nasaun xina ne’ebé mak fo ona treianmentu ba partisipante sira ne’e no  ba iha Eskola Agrikola Natarbora  ne’ebé fasilita ona  fatin ba  treinamentu ida no fasilidadeba  kursu ne’ebé programadu tia ona.

Nia mós salenta, iha posibilidade atu haruka  formadór ne’e’ mak hetan ona treinamentu durante semana ida ne’e,  ita -boot sira sei  partisipa treinamentu iha Xina nomos iha posibilidade atu haruka treinadór sira mai iha Timor-Leste atu fo treinu  ita-nia tenkinu no estensionista sira, ida ne’e hanesan vantazen boot sira fó kursu bar-barak  liu-liu ba eskola agrikula iha Timor-Leste nomos ba ita nia tekniku sira.

Dadaun iha hasoru  covid 19  ne’e fó lisaun barak mai ita, tanba kuandu governu dehan taka ona fronteira no sasan sira ne’ebé atu tama mai, ita hotu atrapalha dehan hahan mai timor leste  kalae, neduni ita -hotu akompaña  governu halo hala’o ninia programa ida rekopersaun ekonomia ida hanesan desafiu ida  ba ita atu dezenvolve no  hasae  produsaun iha rai laran,  kuandu ita  hasae  produsaun konserteza infranstrutura agrikulas ne’e mak inportante ba ita.

Iha tinan 2021             MAP liu hosi Diresaun jerál ne’e tau orsamentu  nafatin tau orsamentu ba formasaun hanesan ne’e atu bele hasa’e kapasitasaun  tanba atu kapasita ema ne’e hanesan ketaun inportante ida.

Fotografia/Reno/INFO-MAP

Iha fatina hanesan, Team Leader Longping Mr. Vang,  senti kontentitanba bele partisipa iha aktividade ida ne’e no ha’u mos orguilhu tebes tanba  bele fahe  matenek nomos koñesementu ba kolega sira hotu, durante treinamentu semana ida nia laran neduni ha’u  fiar katak kolega sira aprende buat ruma laos sai husi ne’e la aprende buat ruma.

Nia realsa, iha  future  oin mai ami mós sei haka’as an atu koopera ho Ministériu Agríkultura  atu buka meus oinsa bele ajuda liu tan iha seitór agrikula nian liu-liu ami sei hakaas an atu nune’e buat hot-hotu lao ho diak no susesu,  tinan oin ami sei haruka ema Xines balun  sei  mai tan atu fó treinamentu ba kolega sira iha ne’e nomos ami mós sei ajuda no hili estudante no partisipante balun  sei ba  tuir treinamentu iha xina.

Alende ne’e, Senior extensionista Justinho Belo hanesan mós partisipante hatete katak, ami ne’ebe husi Munisipiu hitu (7) maka partisipa iha treinamentu ida ne’e hasa’e ami-nia kuiñesiemntu oinsa  utiliza makina kuda hare durante loron inisiu ami aprende diak tebes makina sira ne’ebe ami utiliza hodi halo pratika kapas tebes, no oinsa ami bele utiliza diak liu tan no kada munisipiu idak-idak nian kompetensia hanesan mos parte extensaun nia prepara ninia extensaun nian, parte mekanizasaun nia prepara tekniku oinsa ita atu halo opersaun no manutensaun kona-ba makina hirak ne’e.

Ha’u hanoin  treinamentu ida ne’e diak tebes,  tanba ne’e mak  ami  nain hira ne’ebé durante ne’e tuir ona treinamentu iha fatin ida ne’e fila ba munisipiu ida-idak tenki iha kontinusaun  ba oin nafatin, tanba ita haree ninia lalaok ne’e ita labele uza manual  hot-hotu tuir ninia Sistema no makina sira ne’e ita labele halo modifika tun sae ita tenke uza ninia bandeiza ne’ebe husi makina ne’e rasik no makina ne’ebe mak atu halo kabubu rasik ida ne’e mak inportante durante ami pratika, kona-ba makina kuda hare ninian ami hanoin ba operadór no mekaniku sira mós komprende oinsa atu utilza ekipamentus sira ne’e.

Iha serímonia enseramentu ne’e hetan partisipa husi Professor ETA. Natarbora, estudante SPP, Diretor Escolas SPP, Madre hosi Fransisco de Assis no administardór postu Barike inkuli PNTL postu barike. (Reno)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login