Notisia

MAP Kolleta Hare Hamutuk 40 Hektares Iha RAEOA

Fotografia/Elsio Jong/INFO-MAP

Oecusse- Ministériu Agríkultura e Peskas (MAP) liu hosi Diresaun Jerál Agríkultura e Hortikultura kolleta hare membrano  hamutuk 40 hektares ho  teste ubinan 6 ton kada hektares ne’ebé maka  utiliza adubus Organiku (POC Nasa, Super Nasa no Hormonik) iha Demo-area ba segundu epoka iha irrigasaun Tono/RAEOA Oecusse ba tinan 2020.

Tuir Vise Ministru MAP,  Abilio Xavier de Araujo, iha loron  Tersa-feira (27/10) hateten katak,  polítika Ministériu nian, haree oinsa mak ita bele ajuda ekipa tekniku sira iha Ministériu atu fó apoiu nafatin  no oinsa maka  tekniku sira bele hamutuk ho ita- nia Agrikultór   sira, hodi bele dezenvolve diak liu tan iha seitór Agrikultura hodi nune’e bele menus mós importasaun fos  hosi rai liur.

Nia realsa katak,  natar hektares  90 maka Komunidade sira husik hela, ohin  MAP Halo kolleta ba de’it 40 hektares, ne’e signifika bele fasilita de’it ba ita nia komunidade sira iha Oecusse laran, atu suporta ba Dili rai bo’ot ne’e sei hein ba tinan 2021 ita-nia agrikultór sira tenki produz haree ho kuntidade boot maka foin bele apoiu ba  iha Dili.

Iha fatin,  hanesan Prezidente da Autoriedade da RAEOA  ZEESM-TL,  Arsénio Paixão Bano salienta katak, Oecusse nia tarjetu nia vontade hakarak  iha tinan 5 ou tinan 10  bele atinji ona 50% ba produsaun ne’ebé mak iha oecusse laran, bele iha aihan rasik  tanba ita hatene maioria hahan ne’e mai hosi dili ou mai husi fatin seluk, entaun hanesan fos membramo ne’e ami hein katak iha tinan 5 ou tinan 10 produsaun aumenta ás.

Fotografia/Elsio Jong/INFO-MAP

Nia akresenta, Ohin ita kolleta nia rezultadu hamutuk 6 ton/ha, ne’e apoiu  mai hosi MAP, ne’e hanesan mós  ezemplu pilotu ida kada 6 ton/ha  ne’e hatudu rezultadu ne’ebé maka diak,  ha’u haree ne’e diak,  ezemplu bele multiplika iha fatin hotu-hotu to’o 3 mill hektares  barak liu iha zona sentral iha pante makassar. 

Nune’e mós Diretór Regionál Agríkultura RAEOA,  Sirilio dos Remedeus Baba hatutan katak, relasiona ho seremonia kolleta jerál hare ba 40 hektares ida ne’e nia rezultadu hatudu diak tebes, ne’e signifika katak utilizasaun ba adubus Organiku POC Nasa Super Nasa no Hormonik  ne’e diak tebes  tanba ida ne’e hanesan pilotu de’it, maibé ne’e  hatudu duni rezultadu.

Serimónia kolleta hare ne’e marka mós prezensa  hosi  Sekrétariu Regionál asuntu Agríkultura Raeoa,  José Eta, Diretora jerál Agríkultura  Hortikultura no Estensaun, Maria Odete do Céu, Administradór postu,  xefe suku no xefe aldeia, komandante PNTL munisipiu inklui agrikulór  sira. (E”J)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login