Notisia

MAP kolleta jerál fehuk-ropa iha Postu Administrativu Letefoho

Fotografia/Reno/INFO-MAP

Ermera-Atu hasa’e seguransa ai-han iha rai laran,governu apoiu nafatin grupo agrikultores sira hodi hasae produsaun agrikola,Ministériu Agrikultura no Peskas liu hosi Diresaun Nasionál Agríkultura Hortikultura e Extensaun koilléta jerál fehuk-ropa haktares 4  objetivu hodi haburas produtu lokál iha komunidade nia le’et no rekopera ekomonia hahu hosi baze, orsamentu ba kuda fehuk roupa ne’e  mai hosi fundu Covid-19 ,atividade koilleta ne’e hala’o  iha loron kuarta-feira (14/10) iha  Suku Dukurai, no  Era-ulu aldeia Tau-Rema no Era-Toi iha postu Administrativu  Letefoho.

Vise ministru MAP, Abílio Xavier de Araujo, iha nia intervista hateten, aktividade koilleta fehuk-ropa ne’e ninia kontinuidade husi loron 16 jullu ne’ebe iha  fulan tolu ba kotuk hala’o abertura lansamentu kuda, ninia  rejultadu ohin ita mai fali, ho autoridade lokál sira to’o  mai iha ita-nia komunidade sira  nia le’et iha postu administrativu Letefoho suku Dukurai no Era-ulo aldeia taurema ida ne’e.

Rezultadu tuir matemátika agrikultura nian ne’e diak tebes tanba hanesan ohin ita  tetu iha fatin ne’e,  hun ida ita hetan isin ka fuan sanolu no ninia todan ne’e 0,8 gramas totál iha serku ne’eba maka 2 metrus vezes 4 ho ninia produtividade 12,48 ton/ha depois ita vezes ba 4 haktares ne’ebé mak agora ita koilleta, rejultadu ne’ebe diak  fó ba  ita-nia agrikultór  sira.

Orsamentune’e ba programa kuda fehuk-ropa ne’e  mai hosi  fundu Covid-19 nian iha fulan hirak liu ba aloka mai iha MAP. Neduni Ha’u fiar ho polítika ministériu nian ne’eb’e mak agora dadaun hala’o atu bele halo rekoperasaun ekonomiku povu nian liu hosi saida mak ita haree no ninia kontiniudade ne’e ami koalia ona iha ministériu atu nune’e  diresaun ida ne’e atu motivu autoridade sira atu hamutuk ho povu dezenvolve diak liu agrikultór sira para atu hasae  produsaun iha baze. Tenik vise Ministru

Nia hatutan, Tuir tekniku sira halo analiza ida,  ha’u hanoin  minimu 50 hektares tenke stablese iha fatin ida ne’e tanba fatin  ne’e prioridade tebes ba iha agrikultór, agora depende de’it saída mak ita-nia povu rasik maka sei hasa’e tan volume serbisu ne’e hodi dezenvolve ita-nia fehuk-ropa iha futuru.

Iha fatin hanesan, Diretór nasionál Agríkulltura Hortikultura no Estensaun,  Amaro Ximenes informa katak, aktividade ne’e hala’o tanba iha inisiativa mai hosi governu bainhira ita hotu fokus ba  covid-19 ne’e mosu iha momentu ne’e inportasaun husi rai liur susar ona atu tama neduni  iha fulan kotuk  governu koalia makaas tanba fós mai husi Vietnam difisil tebes ho situasaun iha momentu ne’eba oinsa ita bele priense nutrisaun ba povu nian ho ida ne’e governu deside orsamentu ida ho naran rekuperasaun ekonomia  ne’e aloka mai iha ministeriu agrikultura no peskas liu liu ba iha aktividade hortikultura kuda  fehuk-ropa ohin ita koilleta.

Fotografia/Reno/INFO-MAP

Kona-ba  fini fehuk toneladas sanulu mak  fulan hirak liu ita aloka mai  munispiu Ermera no ita kuda duni iha fulan tolu liu ba hamutuk ho Vise Ministru MAP,  husi ida ne’e rezultadu  mak ita hetan ohin ita koilléta rezultadu bain-bain ita halo ubinan ka sukat ninia ton, rezultadu ohin hatudu mai ita katak 12,48 toneladas/ha ita halo vezes ba osan hamutuk  $. 12 mil dolares mak ohin ita koilleta

Hosi totál orsamentu $. 12 mil dolar ne’e ita fahe ba rua pelumenus 50% ita konsumu atu bele konserva nutrisaun ba ita nia- oan sira ne’ebe produtivu, ita hanesan inan- aman bele hadia ita nia nutrisaun,  no 50% ita bele aloka ba iha merkadu. Ministériu agrikultura no peskas iha loja agrikultura ne’ebe prejiza tebes fehuk ropa ida ne’e, inan- aman sira hanesan toos nain depois de koilleta ita- bot sira bele kordena ho Diretor MAP munisipiu nune’e  produtu ne’e hodi bele asesu ba iha loja agrikultura.

Iha sorin seluk,  koordenadór Estensionista Postu Administrativu Letefoho Rui Alberto Maia, salienta  hanesan estensionista iha postu ida ne’e informa,  ita akumula grupo kuda fehuk iha suku hanesan Ducurai, Lau-ana, katrai kraik no era-ulo iha Postu Administrativu Letefoho iha dia 16 Jullu Vise Ministru  MAP hala’o lansamentu kuda fehuk-ropa no ohin ita halo koilléta jerál.

Ami nuda’ar  estensionista sira sempre hamutuk ho grupo agrikultór sira fo asistente tekniku prepara rai no orienta agrikultór sira no sira kuda tuir tekniku ne’ebe mak iha tiha ona, no area potensia iha ne’e la’os de’it haree ba fehuk, maíbé ita mós bele kuda variedade barak hanesan lis, koto, ervila, sinora papas, iha area ida ne’e produtu diak liu mak terigu maibé ita labele kuda  terigu tanba laiha merkadu  entaun ita kontinua ho hortikultura.

Partisipa iha serimonia koilleta fehuk-ropa ne’e hanesan, Vise Minitru MAP, Presidenti Autoridade  local Munispiu Ermera, xefe suku no xefe aldeia, komandante PNTL munisipiu  Diretór Diresaun servisu Agríkultr munispiu inklui komunidade iha Suku rua. (Reno)

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login