Notisia

MAP HALA’O ENKONTRU DURANTE LORON 2  KONA-BA PLANU  OJE 2021

Fotografia/Elsio Jong/INFO-MAP

Dili- Ministériu Agríkultura e Peskas konvoka enkontru hodi halo  diskusaun kona-ba Planu orsamentu  Jerál Estadu 2021  ho totál kuaze 30 milloens ,  neduni enkontru ne’e hala’o durante loron 2 hahu hosi loron 12-13/10 ne’e atu nune’e bele Hetene planu estratejiku kada diresaun  nasionál sira idak-idak, enkontru ne’e hala'o iha salaun MAP Komoro.

Vise ministru MAP, Abílio Xavier de Araujo  iha nia intervista katak, enkontru ne’e atu haree liu planu estratejiku kada diresaun nasionál nian ba planu orsamentu 2021 no haree mós ezekusaun orsamentu 2020 nian atu  nune’e bele halo balansu ida tanba OJE 2020 ne’e hanesan sasukat ida ba iha planu OJE 2021 nian.

Ita mós tenke haree planu prioridade ne’ebé  governante anterior sira husik hela ne’e tenki halo kontinuidade ba programa prioridade  hirak ne’e, tanba diresaun hotu-hotu iha nia planu prioridade neduni diskusaun horseik ho ohin ne’e atu bele haree kada diresaun ne’e presija orsamentu hira no atividade balun ne’ebé mak ladun presija bele reduz hanesan atividade viajen  estranjeiru ne’e tanba sitausaun covid entaun nia orsamentu bele tau fali ba item seluk. Tenik Vise Ministru

Fotografia/Elsio Jong/INFO-MAP

Nia mós hatutan,  iha    planu  prioridades 8 ba hadia kanál irrigasaun neduni orsamentu ne’e  iha ona OJE 2020 MAP  hein Presidenti  Repúblika  Promulga entaun tekniku sira hein atu ezekuta de’it tuir planu ne’ebé mak iha tiha ona.

Alende ne’e kona-ba hadia tratór boot ne’ebé mak sirkula iha munispiu hotu-hotu  durante ne’e  fó apoiu  ba agrikultór sira fila rai gratuita ne’e MAP iha planu katak MAP iha opsaun rua atu tau orsamentu ba manutensaun ka ou entrega ba asosiasaun  ka kooperativa sira atu halo manutensaun ba patrominia estadu maibé  MAP mós tenki iha akordu ho asosiasaun  katak sira bele apoiu agrikultór hodi fila rai  e MAP bele halo monitorizasaun. Neduni MAP  tenki hili opsaun rua ne’e ida tanba atu halo manutensaun ba tratór ne’e presija kustu ne’ebé  boot.

Enkontru ne’e partisipa hosi Vice minitru Agrikultura e Peskas, Sekretariu Estadu Peskas, Sekretariu Jerál  MAP, Diretór Nasionál no xefe departamentu hosi diresaun hotu. (E”S)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login