Notisia

SERVISU HOTU-HOTU TENKI IHA DEZAFIUS  MAIBÉ LA SIKNIFIKA KATAK HAMATE ESPIRITU SERVISU

Fotografia/E'S/INFO-MAP

LAÚTEM- Ministériu Agríkultura e Peskas liu hosi Projeitu Hapas  hala’o enkontru kona-ba evaluasaun servisu  ba atividade fundu ki’ik atu  bele haree  progresu no dezafius ne’ebé maka grupu  benifisiariu sira inklui tekniku no estensionista suku alvu sira infrenta durante ne’e atu  nune’e ba oin servisu bele lao diak liu tan, enkontru ne’e hala’o iha loron sesta feira( 9/10)  iha  salaun diresaun servisu Agríkultura postu administrativu Lospalos.

Xefe Departamentu Agríkultura  Hortikultura e Estensaun Munispiu Laútem, Venâncio Ximenes iha nia intrevista depois de enkontru  katak,  enkontru ida ne’e atu haree programa projeitu Hapas iha Munispiu tanba durante  ne’e lao ona maibé iha failansu oituan konaba liña koordensaun no komunikasaun lao ladun diak neduni liu hosi enkontru atu bele hadia failansu hirak ne’e tanba sekretariadu Hapas munisipiu  la lao mesak maibé servisu hamutuk ho Ong konsorsium  neduni presija atu haree fila fali servisu ne’ebé mak durante ne’e lao tiha ona.

Nia hatutan, Ba oin implementadór no tekniku iha terenu tenki servisu hamutuk, tanba  liu hosi servisu hamutuk buat hotu sei lao diak, neduni ba oin iha esperansa katak atu hetan rezultadu diak hosi projeitu Hapas ne’e inportante tenki  hamutuk atu bele servisu hamutuk.

Iha fatin hanesan,  Diretór projeitu HAPAS, César José da Cruz husu ba sekretáriadu Hapas Munispiu, Estensisonista no tekniku suku alvu, xefe departamentu sira inklui Ong Konsorsium  hanesan Ong Raebea, Fraterna no Prospek ne’ebé  maka durante ne’e servisu hamutuk  tenki haree progresu servisu atividade fundus ki’ik iha ternu no tenki iha liná koordenasaun ne’ebé  diak atu nune’e servisu ne’e ba oin bele lao  diak liu tan.

Ha’u agradese ba tekniku, estensionista suku alvu xefe departamentu inklui sekretariadu munisipiu rasik tanba durante ne’e bele servisu hamutuk hodi hala’o projeitu HAPAS iha  ne’e  no servisu tenki ba oin tanba Servisu hotu-hotu atu lao diak  no  ikus  mai atu hetan rezultadu ne’ebé  maka diak tenki iha liña koordenasaun no komunikasaun ne’ebé diak. Tenik Nia  

Fotografia/E'S/INFO-MAP

Diretór ne’e  mós esklarese, servisu hotu-hotu tenki iha dezafius  maibé ne’e la signifika katak  hamate espiritu servisu  neduni liu hosi atividade fundus ki’ik ne’e atu apoiu grupu sira dezenvolve  sira nia moris liu hosi atividade floresta, hortikultura, Peskas no pekuaria  maibé tekniku  sira tenki orienta grupu sira produz buat ne’eb’e maka merkadu presija atu nune’e bele atende nesesidade konsumidores sira -nian laos simu tiha osan hosi fundus ki’ik ba produz fali buat ne’ebé maka merkadu la presija.

Entretantu, Diretór Ong Raebea,  Mateus Soares Maia esplika katak, durante ne’e iha liña koordenasaun lao diak tanba durante ne’e ami halo linã koordenasaun mai programa ofisial hafoin nia (red-PO) halo  fali linã kordenasaun iha diresaun servisu Agrikultura munisipiu tanba ami servisu lao tuir  kontratu ne’ebé mak iha tiha ona.

 Nia esklarese, Enkontru evaluasaun servisu ne’e hanesan mata dalan ida ba ong konsorsium maske atividade balun lao diak no balun lao ladun diak maibé  parte konsorsium esforsu atu hadia buat sira ne’e atu nuane’e ba oin servisu tenki lao diak tanba tuir Ong konsorsium nia haree katak atividade iha terenu lao diak tebes hanesan horitikultura nia balun koilleta no faan ona e fulan oin  sei kolleta talas  inklui ikan be midar ne’e hatudu ona rezultadu ne’ebé maka diak.

Maske atividade foin hahu  maíbé grupu benfisiaru sira hatudu duni sira nia espiritu servisu ho liña kordenasaun iha grupu laran neduni  dadaun ne’e ita bele haree ona  rezultadu atividade iha terenu.(E”S)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login