Notisia

Atividade Projeitu HAPAS Iha Munisipiu Bobonaro Foin Hahu Halo Revizaun Ba Proposta

Fotografia/E

Maliana - Sekretáriadu HAPAS  Munisipiu konvoka enkontru kona-ba avaliasaun  servisu sekretariadu inklui halo revisaun ba  proposta hosi grupu benifiasiariu tanba grupu balun ladauk komprende  saída maka fundus ki’ik neduni proposta ne’ebé  maka sekretariadu  Munispiu simu la tuir kriteria tanba montante orsamentu boot liu fali  fundu ki’ik atu fó apoiu.

Diretór projeitu HAPAS, César José da Cruz iha nia esplikasaun depoisde hala’o ekontru ho sekretariuadu HAPAS  minisipiu Bobonaro iha loron  tersa-feira (6/10) salaun enkontru diresaun servisu Agrikultura  Bobonaro katak,   objetivu enkontru ne’e hodi haree liu ba kona-ba revizaun ba proposta hirak ne’ebé mak sekretariadu simu hosi grupu sira tanba proposta ne’ebe mak grupu sira submete ho montante orsamentu ne’e boot liu fundus ki’ik ne’ebe mak projeitu ne’e atu fó neduni atividade iha basias hodrografika Loes Bobonaro ne’e tarde.

 Nian realsa tan, sekretariadu HAPAS munisipiu atu bele aselera proposta ne’ebé maka tama ona atu nune’e atividade ne’e bele lao  iha tempu badak  tanba  tempu ona udan monu rai  besik ona ne’e sei fó impaktu ba grupu sira atu implementa sira atividade idak-idak.

 Nia mós husu ba  ba grupu sira katak bainhira  implementa atividade presija haree moós merkadu tanba grupu sira tenki produz merkadu presija produtu saída, tanba liu hosi atividade HAPAS ne’e  grupu sira bele hadia sira nia ekonomia uma laran.

 Ih afatin hanesan, Diretór Diresaun servisu Agríkultura  Bobonaro, Aderito dos Santos informa katak, Programa Hasa’e Produktividade Agrikultura sustentavél ne’ebé maka hala’o iha basias hidrografiku Raumoco,Loes,  Be lulik no Tono  kobre munispiu 7 hanesan, Laútem, Ainaro, Covalima, Likisa, Ermera, Bobonaro inklui Oecusse durante ne’e munispiu 6 hahu lao ona no  balun tama on a ba fase daruak  nian maíbé bobonaro seidauk lao tanba prosesu proposta foin hahu halo verifikasaun.

Nia hatutan katak, prosesu foin halo verifkasaun tanba grupu balun submete proposta mai serkretariadu munisipiu  ne’e total orsamentu ne’e  boot neduni proposta tenki fó fila ba halo alterasaun mak foin bele prosesu neduni durante ne’e grupu barak ladauk komprende kona-ba fundu ki’ik ne’e katak orsamentu ne’ebé mak projeitu ne’e atu apoiu ho montante  ne’e ki’ik maíbé grupu sira nia proposta submete liu tiha kriteria ne’ebé maka sira hetan iha formasaun antes hakerek proposta.

Neduni iha tempu ne’ebé mak besik udan monu rai entaun grupu sira tenki fokus liu ba area floresta atu bele konserva  rai halai  no grupu balun bele hala’o mós atividade hanesan hakiak ikan no hakiak animal hanesan manu, bibi no karau maibé parte hortikultura nian ne’e sei labele prosesu lai tanba sei fó impaktu ba modo sira bainhira grupu sira kuda mak udan monu rai ne’e bele estraga hotu modo hirak ne’e.Tenik Diretór

Partsipa iha enontru ne’e ekipa HAPAS nasionál diretór munispiu nian inkuli xefe departamentu ho funsionariu tékniku ne’eb’e mak durante ne’e akompanha  atividade HAPAS iha munipiu (E”S)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login