Notisia

MAP Entrega Fundu Covid19 Ba Grupu Assosiasaun Agrikultura Oebaba

Fotografia/Elsio Jong/INFO-MAP

Covalima- Ministériu Agríkultura no Peskas liu husi dirasaun agro komersiu entrega fundus covid19 hamutuk  $ 200  ba Assosiasaun  Agrikultura  ho objetivu atu rekopera ekonomia agrikultura iha baze.

 Diretór nasionál agro komersiu  MAP, Fernando Egídio  hato’o informasaun ne’e ba ekipa informasaun MAP bainhira partisipa iha serimonia kolleta batar iha suku Raimea foin lalais ne’e katak, iha priodu covid19  guvernu preokupa tebes ho ekomonia povu ki’ik ne’ebe maka moris hosi agrikultura.

Governu liu hosi MAP tau osan ho montante $ 200 mill atu sosa produtu sira hanesa hare, orsamentu refere ne’e sai tarde oituan tanba ne’e mak foin ezekuta iha Oebaba akumula orsamentu kuaze $100 mill.

Diretór ne’e esplika katak, mekanizmu transparensia osan sosa produtu lokál ne’e la fó direita ba assosasaun ka komunidade individuál maibé liu husi konta bakaria atu garantia rekolla produtu, ekipa dirasaun nasional iha Dili mak sei simu fos no pagamentu ba produtu hirak ne’e la selu dalan ida maib’e tuir fase.

Alokasaun orsamentu ne’e liu husi diresaun nasionál agro komersiu no nia papél inportante tanba bele implementa programa asesu merkadu ho valór akresentadu, asesu merkadu ne’e dirasaun tenke esforsu atu profesionaliza assosiasaun sira sei fasilita nia membru sira atu bele faan sira produtu lokál ba merkadu.

Fotografia/Elsio Jong/INFO-MAP

Merkadu ne’ebé maka MAP kria maka loja agrikultura  rua iha dili no liu hosi loja ne’e mak sei suplay fali ba iha ótel no restorante sira iha dili laran, no ba programa merenda eskolar inklui mós loke ba konsumedores publiku ne’ebé  maka sosa produtu sira.

Nia salienta liu katak, liu hosi fundus covid-19 ne’e fó korajen ba agríkultór sira iha esperasan katak saída maka sira kuda no rezerva ba sira-nia seguransa alimentar,  governu mós  sosa duni sira nia produtu ho osan ne’ebé mak agrikultór sira hetan sei sustenta ekonamia familia hodi selu oan sira nia eskola.

Ministériu Agrikultura fasilita kuda no  faslita sira lori ba  merkadu la’ós ba MCIA  tanba MAP mak besik liu komunidade agrikultór sira no hatene sira nia preokupasaun, nune’e  MAP hamri’ik nafatin ho sira oinsá atu hasa’e produsaun no produktividade, no agrikultór sira tenke hetan osan hosi sira-nia produtu ne’e % 85 kompara ho merkadu livre katak agrikulór bele hetan % 50 de’it hosi sira- nia produtu.

Dadaun ne’e produtu ne’ebé maka hatama  iha loja agrikultór ne’e mai hosi munisipiu 12 inklui RAEO, produtu ne’e mai hosi komunidade individu, grupu agrikultór, koperativa no assosaiasaun inklui industria ki’ik sira ne’ebé maka prosesa hahan, maske  covid19 mosu maibé  ne’e fanun ita hotu katak guvernu fó atensaun ona guvernu tenke sosa duni produtu agrikola hosi baze  ne’e hanesan pasu positivu ida atu bele rekopera ekonomia husi baze to’o nasionál.

Nune’e mós Guilherme de Deus  nuda’ar presidente Assosiasaun  Agrikultura  ne’e estabele iha 2016 no durante tinan 4 ne’e sira   la’o mesak tanba seidauk hetan apoiu fundu ruma  husi guvernu maibé ohin loron husi suku Raimea aldea Oebaba sir abele hetan apoiu.

Prezidente assosiasaun agrikultura ne’e hateten, nia assosiasaun produz produtu hanesan, hare, batar, fore munggu, fore keli no seluk tan. Durante ne’e assosaiaun  faan nia produtu ba  sentru lojístiku  nasionál  de’it maibé ohin loron sira hetan fundus covid-19  husi govrenu liu hosi Ministériu Agríkultura  no sira mós halo kontrato ho MAP liu hosi Diresaun Nasionál Agro Komersiu atu bele hatama produsaun ba iha loja agrikultutura, ne’e maneira  ida bele ajuda bele sosa produtu husi komunidade  sira. (E”S)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login