Notisia

Hapas Inagura  Salaun KJSBHBL

 Fotografia/Elsio Jong/INFO-MAP

Covalima- Ministériu Agríkultura no Peskas liu hosi projeitu Hapas inagura salaun enkontru ba Komite Jestaun sub Basias Hidrografika Bee Lulik (KJSBHBL), ho objetivu  hodi halibur grupu benifisiariu hala’o enkontru kona-ba programa Hapas iha fatin refere. Aliende ne’e mós bele uza ba atividade suku nian. Iha inagurasaun KJSBHBL entrega motorizada   ida marka KLX ba Extensionista suku Alvu,

Administradór postu Zumalai Caetano dos Santos Ribeiru hateten, sira agradese tanba MAP liu hosi Hapas apoiu  suku Raimea hodi konstrui  salaun enkontru  KJSBHBL ba grupu benifisairiu sira tanba ne’e parte hosi dezenvolvimentu la’ós de’it projeítu boot-boot maka bele halo mudansa ba dezenvolvimentu maibe salaun enkontru ne’e bele motiva grupu agrikultór sira hodi halo enkontru koalia kona-ba problema agrikultura ne’ebé maka sira infrenta, hateten Administradór ne’e.

Nia mós husu ba grupu benefisiariu sira hodi bele uza salaun refere ne’e hodi halo planu regular atu bele halo natar no to’os iha kada  epoka ho planu ne’ebe mak di’ak nune’e sira bele hetan rezultadu di’ak husi produsaun ne’e no, bele lori ba merkadu, nune’e bele hetan osan atu sustenta ekonomia  familia nian.

Administradór ne’e esplika liu tan katak rai ne’e produktivu nune’e nia husu atu grupu agrikultura sira mós tenki produktivu nu’udar agrikultór nune’e bele hetan rezultadu di’ak. Maibé, bainhira baruk ne’e susar ba ita atu dezenvolve rai Zumalai ne’e duni tenki kerativu hodi halo buat hotu ne’ebe maka positivu  katak, kuda buat balun laiha rezltadu tenki kuda ai- horis seluk hodi bele dezenvolve rsi Zumalai.

Sekretariu Jerál MAP César Jojé da Cruz hanesan mós diretór ba Projeitu Hapas iha nia esplikasaun hateten,  programa Hapas ida ne’e sei to’o iha 2024 ne’e duni presiza ita nia servisu hamutuk atu hala’o servisu ne’e la’o di’ak ba oin, fatin ne’e sai hanesan mós sentru penyuluhan ba extensionista sira atu bele hala’o penyuluhan ba atividade hotu-hotu iha área agrikultura, nune’e bele hetan hetan rezultadu prodsaun ne’ebé di’ak ba  sufiente familia idak-idak.

Fotografia/Elsio Jong/INFO-MAP

Sekretariu Jerál MAP ne’e mós agdarese ba ema ne’ebé servisu makas’ no fo liman ba malu nune’e bele produz produtu iha familia idak-idak nian katak familia idak-idak tenki iha nia aihan rasik no nia resin lori ba merkadu fa’an hodi hetan osan ba sustenta ekonomia familia.

Tuir nia katak, ekonomia ne’e hahú  husi grupu sira  iha baze  ne’e duni tenke apoiu fundus ki’ik ba grupu benifisiariu sira ne’ebé maka hari’i ona husu atu servisu hamutuk lori grupu ne’e ba oin.

Iha fatin hanesan Programa Ofisiál Hapas iha Munisipiu Covalima Leonito do Nacimento realsa katak, totál orsamentu ba konstrusaun salaun enkontru KJSBHBL   $. 3. 500 ba uma medida 12x5 ne’eb’e maka kaer hosi kompañia lokál ho durasaun fulan tolu.

Rai ne’ebé uza ba salaun salaun KJSBHBL ne’e rai estadu nune’e antes hari’i salaun refere programa ofisiál  kolabora hamutuk ho atoridade lokál iha nivél Munispiu no orgaun kompentente sira hodi haree status rai ne’e. Nia hatutan salaun KJSBHBL ne’e ema hotu bele uja hodi hala’o atividade aldeia ka suku nian la’ós de’it ba grupu benfisiariu Hapas maibé ba mós atividade seluk.

Serimonia inagurasaun salaun KJSBHBL no entrega motor iha  suku Raimea ne’e partisipa hosi ekipa nasionál Hapas, Diretora Finanças, Diretór Nasionál  hosi Ministériu Finansas, amo vigariu parokia zumalai Pedro Amaral, inklui grupu benfisiariu sira no komunidade iha fatin refere. (E”S)

 

 

 

 

 

 

 

 

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login