Dili- Relasiona ho informasaun ne’ebé mak espailla iha MÍdia tantu mídia sosiál no mídia elektrtoniku balun katak Governu liu hosi Ministériu Agrikultura e Peskas la tau matan ou la fo atensaun ba estudante kuaze atus rua ne’ebé mak ministériu haruka ba nasaun Israel ne’e la los tanba durante ne’e MAP halo hela liña koordesaun ho Ministériu Negosiu Estrajeiru oinsa atu bele hare situsaun no kondisaun estudante sira nian iha nasaun refere.
Diretór Nasionál Formasaun Tékniku Agríkola Ipólito da Costa, hato’o lia hirak ne’e ba ekipa Informasaun MAP iha loron Sesta-feira (28/8) hateten katak, normalmente tuir orariu ne’ebé mak iha katak estudante kuaze atus rua mai hosi Universidad UNTL,UNITAL, UNPAZ no eskola tékniku agríkola iha nasaun Israel hodi aprende Sistema agrikultura modernizasaun ne’ebé mak haruka ba iha tinan kotuk liu ba ne’e tuir lolos remata ona iha fulan jullu tinan 2020 maíbé sira labele fila tanba impkatu hosi surtu Covid-19 ne’ebé mak mundu infrenta entaun estudante sira ne’e labele fila mai Timor tanba nasaun hotu-hotu tenki taka ou lock down Aereporto neduni ARAVA INTERNATIONAL CENTER FOR AGRICULTURE TRAINING (AICAT) estende tanba estudante sira nia durasaun estudu hahu hosi fulan jullu to’o setembru tinan ne’e atu nune’e hodi hare situsaun ba oin ne’e lao hanusa.
Dadaun ne’e ministru Agrikultura no Peskas haruka ona karta ofisiál liu hosi MNEC ba AICAT atu hare kondisaun no situasaun estudante sira nian iha ne’eba, maibé MAP ho MNEC atu bele hare no foti opsaun balun ne’e prosesu hela, estudante sira ne’e durante hela iha nasaun Israel ne’e laos hela mesak ka iha kollejiu maibé sira hela direitamente ho Agrikultór sira hodi aprende teoria iha akademiku no pratíka iha kampu oinsa maka bele prende teoria ho pratika dala ida kona-ba Sistema agrikultura modernu.
Nia mós hatutan, Durante ne’e ministériu liu hosi Diresaun nasional tekniku Agrikola halo liña koordenasaun ho team lider estudante sira iha ne’eba kada semana inklui mós halo liña koordenasaun ho MNEC hodi hare problema ne’e , guvrenu sei la abandona ou la tau matan ba estudante Timor ne’ebé maka hala’o estudu iha rai liur.
Diretór mós hatutan liu tan katak, estudante sira ne’ebé mak haruka ba ne’e laos ba de’it estuda maibé mós servisu tanba programa ne’ebé mak sira aprende iha ne’eba ne’e ita bolu on the job training katak loron 2 aprende teoria no loron tolu aprende iha kampu direitamente ho agrikultór sira oinsa mak aprende konaba inportasaun no esportasaun produtu iha nasaun laran, neduni konaba estudante ne’eb’e maka remata ona ne’e lalos tanba AICAT estende tan sira atividade estuda nian.
Ministériu durante ne’e lao hela ho opsaun balun sekuandu maka surtu covid-19 ne’e aumenta ba iha tempu naruk Ministériu iha ona planu atu bele lori fila estudante sira ne’e fila hosi nasaun Israel. (E”S)
