Notisia

MAP PRENDE REDI TIPU  ARASTU  NE’EBÉ MAKA PESKADÓR SIRA UJA IHA BATUGADE

Fotografia/Elsio Jong/INFO-MAP

Bobonaro - Ministériu Agríkultura e Peskas liu hosi Diresaun Nasionál  Gestão Rekursu Pesquerios prende redi arastu ne’ebé maka peskadór sira uja  iha loron kinta-feira (27/8)   no entrega fila-fali redi gilnet 1 ¼ inchi ho biti 10 inklui motor Yamaha Enduro 15 HP unidade 1 ba peskadór iha area tasi batugade postu administartivu Balibo.

Direktór Nasionál Peskas e Gestão Recursus Pesquerios,  Celestino da Cunha Barreto iha nia esplikasaun katak, tuir dekretu  lei guvernu  no. 6/2004  artigu 87 katak  arte peska proibido ne’e   bandu peskadór  sira uja  redi arastu hodi hala’o  atividade peska, neduni iha  Ministeriu prende redi arastu ne’ebé maka peskadór balun uja hodi halo atividade peskas iha area tasi Batugade nian tanba banhira uja redi ida ne’e bele estraga riku soin  seluk iha tasi laran.

“ Iha nasaun brak mós  la autoriza peskadór sira uja redi arastu ne’e tanba uja bele estraga ahu ruin no buat seluk ne’ebé mak iha tasi laran inklui ekosistema tasi nian balun ne’ebé mak kait ba malun neduni oinsa mak ita iha hanoin atu halo kolabora ho ita-nian peskadór sira atu nune’e redi ne’e labele uja tan ba atividade  sira hanesan ne’e” . Tenik  diretór

Fotografia/Elsio Jong/INFO-MAP

  Kuandu  peskadór ka komunidade  ne’eb’e mak iha  area kosteiru  moris maka iha tasi ne’e oinsa maka ita familiar ho sira para bele mós iha benefisiu para hatutan sira nia moris,  ita nu’udar liman oin guvernu lakoi hanesan sira  lori lei  tanba sira moris hosi atividade peska neduni maibé ita habesik ba sira hodi esplika ba sira tuir lei  katak redi no la autoriza hodi uja  ba atividade peskas neduni MAP liu hosi Diresaun  nasionál  mós entrega fali redi foun ho tipu Gil net I ho ¼ inchi kompletu ho biti 10 no gil net 2 ½ inchi ho biti 10 inklui enterga motor yamaha enduro 15 HP unidade 1 ba peskadór iha area refere.

Iha fatin hanesan, Romeo Caero Moises nu’udar nain  ba redi  Arastu ne’ebé mak MAP prende ne’e hateten katak,  ha’u nuda’ar peskadór  tenki kumpri lei neduni ohin  ho MAP liu hosi diresaun jerál peskas konkorda malu ona sira sei lori redi arastu ne’e ba nasionál  no sira mós sei entrega fali redi  foun ho motor yahamah 15 HP ne’e unidade 1  ne’e ha’u  senti kontenti tanba ami bele hala’o ami nia atividade peska hanesan babain.

Januario Moises nu’udar xefe suku Batugade haktuir katak, hanesan autoriedade tuir ha’u nia hare kona ba asuntu ida ohin halo entrega redi arastu husi peskadór sira ba iha diresaun Jerál  Peskas senti prosesu ida ne’e lao ho diak tanba iha mumentu ne’e husi inspeksaun peskas mai halo inspesaun ba iha redi arastu ida ne’e konsege hetan solusaun dalan ida ne’ebé diak koordenasaun hamutuk koopera hamutuk ho autoriedade ho parte seguransa hodi koopera fó hanoin ba peskadór hanesan redi nain sira  mak utiliza hela redi arastu ida ne’e bazeia ba  lei ne’ebé maka kria e bandu ona ba redi arastu ida ne’e.

Nia  informa liu tan,  iha mumentu ne’e ami halo  ona kooperasaun no koordenasaun diak ho ita nia peskadór sira neduni hetan ona solusaun ohin loron ita realiza halo distribuisaun redi arastu hosi ita nia peskad’or sira. 

Partisipa iha atividade prende redi arastu ne’e partisipa hosi Diretór nasionál, UPM,UPS, Adminitardór postu Balibo, Atoridade lokál iha area refere inklui peskadór sira.(E”J)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login