Notisia

Hapas Entrega Motorizada 10 ba Estensionista suku no Sekretariadu iha Lautém

Fotografia/Elsio Jong/INFO-MAP

Lautém- Ministériu Agríkultura liu hosi Projeitu Hapas  entrega motorizada total 9 ho marka Klx  ba estensionista ne’ebé apoiu servisu iha suku alvu inklui motorizada marka honda  Megapro  1 ba sekretariadu tekniku Hapas iha Postu Administrativu Lospalos.

Presidente Komite Jestaun Basias Hidrográfika Raumoco hanesan mós atuál administradór Munisipiu Lautém, Zeferino dos Santos Sequeira  iha nia intervista hafoin entrega motorizada ba estensionista Suku alvu  iha Postu adminitrativu Lospalos katak, dadaun ne’e estensionista sira ne’ebé mak simu ona motorizada hirak ne’e bele apoiu ona sira nia servisu ne’ebé  maka apoiu programa Hapas iha área remotas nune’e tenke uza ho responsabildade ho ne’e motorizada bele dura ba tempu naruk.

Presidente mós informa tan, estensionista ne’ebé mak simu motorizada foun ne’e, entrega fila fali motirizada tuan ne’ebé mak durante ne’e sira uza e motirizada tuan  hirak ne’e hosi parte guvernu sei hadia no entrega fali ba estensionista sira seluk iha suku seluk.

Iha fatin hanesan, Diretór Nasionál  Planeamentu Faustino T.G. da Silva reprezenta Sekretáriu Jerál MAP, katak objetivu entrega motorizada hodi fasilita mobilizasaun tekniku sira iha nivél suku  nune’e bele haforsa atividade programa Hapas nia iha nivél suku to’o aldeia nune’e bele apoiu tekniku ba grupu benifisiariu sira.

Fotografia/Elsio Jong/INFO-MAP

Nia relata tan, apoiu motorizada ne’e ba estensionista iha suku alvu atu bele servisu hamutuk ho  grupu benfisiariu sira no akompaña nafatin sira hala’o programa ne’e ba oin la’os ba estensionista hotu iha munispiu.

Nune’e mós  Gaspar Xavier nuda’ar  estensionista iha suku Barikafa postu adminitartivu Luro,  sente kontenti no agradese ba projeitu Hapas tanba bele hetan apoiu motorizada hodi bele fasilita  sira  nia servisu iha baze bele lao di’ak. “ami nuda’ar estensionista fó apoiu tekniku ba grupu benifisiariu sira iha baze inklui fó treinamentu ba sira oinsá atu denzenvolve sira nia grupu di’ak”, heteten Gaspar.

Iha serimonia entrega motorizada ne’e partisipa hosi autoridade lokál sira iha suku alvu, Adminitradór  Postu Luro, Diretór Nasionál Planemanetu MAP,  Assesor prinsipál Ministériu Agríkultura, estensionista sira inklui ekipa nasionál Hapas . (E’S)

Tags: , ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login