Hapas Nasionál  Halo Monitorizasaun Ba Atividade Grupu Benifisiariu Lautem  

Estrela inativaEstrela inativaEstrela inativaEstrela inativaEstrela inativa
 

 

Fotografia/Elsio Jong/INFO-MAP

Lautem – Ekipa  projeitu Hapas nasionál  halo monitorizasaun ba atividade grupu benifisiariu  ne’ebé maka hala’o atividade iha  área  Basias Hidrografika Raumoko iha postu Adminitartivu Luro, objetivu monitorizasaun  ne’e hare besik liu atividade grupu  sira ne’e mak hetan apoiu fundus ki’ik hosi projeitu Hapas  iha área hortikultura, floresta, peskas no pekuaria .Atividade grupu benfisiariu ne’e hala’o iha suku 9 iha postu administartivu rua maka hanesan postu adminitartivu Luro no Lautem. iha loron kinta-feira(13/8).

Diretór Nasionál  Planeamentu Faustino T.G. da Silva ne’ebé reprezenta Sekretáriu Jerál MAP, esplika katak,  apoiu fundus k’ik hosi projeitu Hapas ne’e foin fase dahuluk maibé  tuir nia hare atividade iha tereinu lao duni maske ho orsamentu ki’ik maibé grupu balun koilleta ona sira nia produtu hanesan modo, fore rai no dadaun ne’e tama ona iha epoka daruak nian , no grupu balun foin hahu’u kuda no balun foin halo preparasaun  tanba sei hein  apoiu fundus ki’ik ba tuir mai.

Nia mós hatutan, grupu sira iha área Basias Hidrografika  ne’e servisu ho inisiativa hodi hala’o atividade tanba grupu balun hatudu ona nia rezultadu di’ak maske foin iha faze preparasaun.

Iha fatin  hanesan, Diretór Diresaun Servisu Agríkultura Munispiu Lautem, Edmundo da Costa, rekuñese katak ekipa informasaun iha suku Barikafa postu adminitartivu Luro katak lao di’ak tanba grupu balun koilleta ona no balun seidauk tanba grupu hirak ne’e foin hetan orsamentu iha fase dahuluk.

Fotografia/Elsio Jong/INFO-MAP

Iha mós grupu benifisiariu balun  submete proposta tolu  ba atividade iha área peskas, pekuari no hortikultura dadaun ne’e lao hela, kuaze grupu iha suku alvu iha área basias hidrografiku Raumoko lao di’ak laiha probelam ne’ebé mak sira infrenta, ne’e duni grupu hotu hala’o hela sira nia atividade  hotu kuaze porsentu 60  lao di’ak tuir kriteria ne’ebé mak  projeitu Hapas no grupu sira halo.

Iha fatin seluk, Federico da Costa nu’udar koordenadór estensionista postu administrativu Luro, iha nia intrevista hateten, durante  loron rua estensionista hamutuk ho ONG konsorsiu hanesan ONG lokál Raebea no Fraternal  fó  treinamentu  ba grupu benifisiriu  Fuli-Fuli   ho objetivu oinsá  bele  kapasita   sira halo adubus maran no ben  uza produtu lokál hanesan, aimoruk mol bele kahur ho nuu ben atu bele habarak, ai kafe tahan, ai kamal ho ai tahan sira seluk ne’ebe mak bele uza, hare kulit  karau nia foer (karau ten)  no ahi kudesan inklui oinsá mak kuda  modo  tuir tekniku ne’ebé  maka di’ak.

Koordenadór ne’e husu ba grupu tenke pansiensia no konsiensia atu bele hala’o atividade ne’e ho di’ak nune’e ba tempu oin mai bele hetan osan ka lukru hosi sira nia atividade ne’e rasik nune’e bele  hadia  moris inklui  bele sustensa labarik sira nia eskola iha futuru oin mai.

Alende ne’e, Marques nuda’ar xefe grupu fuli-fuli  realsa katak, membru grupu hamutuk ema nain 15, mane 12 feto 3, tuir treinamentu oinsá halo adubus uza produtu  lokál nune’e la presiza sosa, treinamentu ne’e  durante loron rua hahú hosi   (12-13/8). Partisipanete sira sente kontente tanba bele tuir treinamentu la’os fó teoria de’it maibé sira pratika  oinsá bele halo adubus rasik hodi bele uza ba atividade hortikultura nia hanesan kuda modo no seluk tan. (E”S)

 

 

 

 

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login