Notisia

PROJEITU HAPAS ENTREGA MOTORIZADA 7 BA ESTENSIONISTA NO SEKRETARIADU HAPAS IHA ERMERA

Fotografia/E'S/INFO-MAP

Ermera – Ministériu Agríkultura e Peskas liu hosi projeitu Hapas  entrega motorizada ho marka Honda MegaPro 7 ba estensionista  ne’ebé mak apoiu servisu projeitu ne’e iha suku alvu  inklui sekretariadu Hapas ho objetivu atu fasilita  sira oinsa atu hala’o servisu diak liu tan iha futuru,  inklui Inagura salaun ekontru ba  ba Komite Jestaun Sub Basias Hidrografika Be Lulik Ermera (KJSBHBLE), iha loron Segunda-feira(10/8) iha Munisipiu Ermera.

Presidenti KJSBHBLE Munisipiu Ermera José  Martinho esplika katak, nu’udar presidenti komite agradese ba projeitu ne’e tanba bele implementa programa  iha ne’e, munisipiu ermera  ne’e ho  nia totál populasaun kuaze  150 mil ,  no kuaze 90 porsentu  mak moris ho vida agrikultura neduni liu hosi apoiu hirak ne’e bele hasa’e produssaun agrikola hodi bele liberta ita hosi dependensia ai-han hosi fatin seluk ,  Progama Hapas ne’ebé  lao iha baze  laos atu  introdus buat foun ba ita-nia agrikultór sira maibé programa  ne’e kontinua de’it saída maka sira hala’o tiha  ona.

Impaktu mundasan klimatika produsaun agrikultór sira menus,  hanesan produsaun kafé inklui produsaun sira seluk  nomos ho problema surtu covid-19  mós fó  impaktu ba presu produsaun hirak ne’e.

Nia mós hatutan, Apoiu motorizada ne’e atu fasilita servisu estensionista sira iha baze tanba  dadauan servisu Hapas nian lao hela no ita  espera katak atividade tenki la’o maka’as  tanba  iha ligasaun ho dezenvolvimentu agrikultura iha munisipiu ne’e rasik.

Iha fatin hanesan, Sekretariu Jerál hanesan mós Diretór ba Projeitu Hapas César José Da Cruz ,  Agradese ba presidenti komite jestaun sub basias hidrografika nomos ba ajensia sira ne’ebé  mak fó apoiu  ba agrikultór sira , tanba la ho sira nia apoiu ita labele halo buat ida tanba durante ne’e guvernu lao de’it ho orsamentu DOT, programa ne’ebé mak implementa iha basias hidrografika iha munispiu 7 ne’e lao ona kuaze 20 persentu  ita lebele aselera liu tanba prosesu tuir regulamentu  Banku mundial  nian.

Fotografia/E'S/INFO-MAP

Koalia kona-ba produsaun produtu lokál, hahu hosi tinan 2007 to’o 2019 Timor leste produs kafé 15 mil toneladas ne’e hosi munisipiu ne’ebé mak iha kafé inklui Ermera ne’ebé maka durante ne’e halo esportasaun, presu kafé dalaruma tun tanba bazeia ba kualidade kafé.

Diretór projeitu ne’e mós relata tan, projeitu Hapas ne’e guvernu nian laos ajensia sira ne’ebé mak jere nia orsamentu rasik maibé projeitu Hapas ne’e orsamentu jere liu hosi Sistema  guvernu ho nia objetivu atu apoiu grupu benifisiariu sira atu bele produs produtu lokál ne’ebé mak konsumedór sira presija iha rai ida ne’e.

Nia mós  husu ba  grupu benifisiariu sira  atu produs  produtu ne’ebé mak merkadu husu atu nune’e bele kompleta ai-han basika ba konsumedores nian ou grupu mós bele servisu hamutuk ho restorante  ka Ótel sira atu bele hatama produtu ne’ebé mak sira  produs , ho problema covid-19 ne’e hanorin ita oinsa atu bele produs ita- nia produtus sira bele oferese ba merkadu tanba pontu entrada sira taka hotu ne’e oportunidade boot ba grupu sira atu bele produs duni produtu lokál hirak ne’e.

Ba estesnsionista sira tenki uja motor ne’e ho respeonsabildade tanba motor ne’e guvernu nian no povu nian ne’ebé mak entrega ba sira atu hala’o servisu iha baze lao diak liu tan.

Nune’e mós diretór diresaun servisu  MAP Munisipiu  Ermera,  José de Deus informa,  Motorizada ne’ebé mak projeitu Hapas fó apoiu ne’e atu bele fasilita  estensionista sira hodi bele monitoriza atividade Hapas nian iha suku alvu sira atu nune’e servisu lao diak liu tan tanba  komite  durante ne’e   servisu hamutuk ho liña ministerial sira  iha munispiu  hodi hala’o programa Hapas  ne’e  iha baze .

 Totál orsamentu ba  projeitu salaun enkontru KJSBBLE kuaze  $. 2 mill   ho orsamentu ne’e inklui sosa mós ekipamentus hanesan meja no kadeiras   ne’ebé  mak atu uja  iha salaun refere.

Serimonia ne’e partisipa hosi Presidente Komite Jestaun Sub Basias Hidrografika Be Lulik Ermera atual Administardór Munisipiu Ermera, Adminitradór postu  Ermera  , Autoridade  lokál hanesan xefi suku hosi suku alvu  sira, Diretora Finansas Map inklui Ekipa Hapas  Nasionál. (E’’S)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login