Notisia

MAP Lansa Kultivasaun Hare Iha Atabae

Fotografia/Reno/INFO-MAP

Bobonaro-  Atu hasa’e produsaun hare iha rai laran, Ministériu Agríkultura no Peskas (MAP) lansa kultivasaun hare ho total área 184 hektares iha suku Aidabaleten Postu Administrativu Atabae Munisipiu Bobonaro  ba epoka daruak. Grupu agrikultór  ne’ebé mak involve iha atividade ne’e hamutuk  12 ho totál ema 292.serimonia lansamentu kultivasaun hare ne’e hala’o iha loron kinta –feira(30/7).

Ministru  Agríkultura Pedro dos Reis hateten,  Surtu covid19 ne’ebé akontese iha mundu tomak inklui Timor Leste sai lisaun ida ba Timor-Leste, alinde buka osan  ba sosa aimoruk  hodi prevene moras refere maibé presiza mós preukupa ba kabun tanba ne’e mak hanesan Ministru Agríkultura no Peskas hamutuk ho ekipa tomak ho strutura Ministeriu nian no hamutuk ho grupu agrikultór sira iha teritoriu Timor laran tomak nia esforsu mak hasa’e produsaun, nune’e karik iha terseira fase covid19 mosu fali ita garantia bele supply hahan, ho ne’e MAP la prekupa ona ba hahan, ami nia esforsu no politika ba oin maka tenke hasa’e produsaun segurasan aihan iha timor.

Nia hatutan,  Tinan 2020 MAP halo stabelesementu iha orsamentu ne’e ami labele halo buat ida tanba tempu implementasaun ne’e badak, ne’e duni iha suku Aidabaleten MAP lansa kultivasaun hare ho totál área 184 hektares  ne’ebé prepara atu kuda hare,  ho esperansa timor bele fornese aihan iha tempu covid19 ne’e.

Fotografia/Reno/INFO-MAP

Ministru ne’e garantia katak, irrigasaun be’e ne’e, ba futuru bele utiliza to’o hare  kolheta, “Ami mós esforsu-an hakarak tau tan osan ba iha tinan 2021 ninian atu nune’e ami labele para de’it ho total 184  hektares ne’e ami esforsu fatin ba rai mamuk sira ne’ebé agora abandona atu  sai natar maibé presiza tau osan. Ha’u nia prezensa ho tinan rua ho balun de’it tanba ne’e ami labele halo buat barak maibé kontinua programa ne’ebe mak iha ona”, hateten ministru ne’e iha Atabae.

Ba tinan 2021 MAP hakarak irrigasaun iha teritoriu timor laran tomak irrigasaun tenke hadia no reorganiza malu fila fali atu  kuda hare hodi responde situasaun.

Iha fatin hanesan xefe grupu Bernadino de Lima informa katak, iha lansamentu kuda hare ne’e total 184 hektares ne’e ninian kuaze hektares ida ho balun hosi grupo 12 ho total ema 292.

Xefe grupu hatutan katak, parte tekniku extensionista sira mai akompaña grupu agrikultór sira hodi ajuda halo viveiros oinsá atu utiliza adubus hanesan adubus no aimoruk  depois kuda hotu iha  loron 8 tenke tau ona  adubus to’o loron 14 tenke  uza tan adubus atu nune’e hare oan moris mai bele buras no matak ka moris di’ak livre hosi moras pestisida. (Reno)

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login