Notisia

Formandu 21 Hetan Sertifikadu Hosi KOICA

Fotografia/Elsio Jong/INFO-MAP

Dili- Governu Korea do Sul liu hosi Ajensia Koica fó formasaun “ Agricultural Cooperative to Increase the Farming Income” ka hasa’e rendimentu Agrikultura liu hosi koperativa ba  Formandu hamutuk 21, hosi Diresaun Jerál Agríkultura no Hortikultura iha Ministériu Agríkultura e peskas. Formasaun ne’e durante loron sia (9) hahú hosi 22-30/7/2020.

Formandu sira kompostu hosi Diretora Jerál Agrikultura e Hortikultura, xefe Departamentu nomos funsionariu tekniku Diresaun ne’e rasik no ensera ho fahe serfitikadu ba formandu sira.

Sekretariu Jerál Ministériu Agríkultura no Peskas (MAP), César José da Cruz hateten “ohin hanesan treinamentu ikus ba formandu sira ne’ebe tuir ona sira nia treinamentu durante loron hirak nia laran, treinamentu ne’e mós ita koopera hamutuk ho governu Korea do Sul liu hosi ajensia KOICA hanesan mós ajensia hosi governu ninian durante ne’e ita servisu hamutuk iha area Peskas no Agrikultura” hateten nian.

Nia hatutan, treinamentu refere ne’e mós atu hasa’e rendimentu ekonomia ba ita-nia agrikultór sira nune’e mós ba komunidade sira ne’ebe maka hakarak didika sira nia an iha vida agrikultura. Tanba atu hetan rendimentu di’ak hosi agrikultura presiza haree kualidade produsaun ba merkadoria nune’e bele hasa’e rendimentu.

 

Fotografia/Elsio Jong/INFO-MAP

Treinamentu ne’e hala’o ho modelu telekonferensia ka online, nune’e bele hatene teoria ho di’ak lori ba pratika tanba MAP iha ona prosedimentu ba implementasaun tanba funsionariu tekniku sira ne’ebé servisu iha área agrikultura bele hasa’e produsaun, hateten Sekjer MAP.

Iha fatin hanesan Diretora Jerál Agríkultura e Hortikultura Maria Odete do Céu, hanesan mós formanda iha formasaun ne’e hateten, nia sente kontente tebes tanba materia ne’ebé sira hetan ne’e foka liu ba edukasaun no estensaun oinsá mak halo jestaun ba koperativa agrikola, no mós oinsá bele servisu efetivu ba kultivasaun koileta.

Nia akresenta, Timor Leste seidauk iha koperativa ida ne’ebé maka bo’ot, maske iha ona loja agrikultura rua no iha asosiasaun agrikuiltores maibé ida ne’e mós seidauk sufisiénte hodi hari’i kooperstivu ne’ebé bo’ot. Ne’e nia espera katak treinamentu ne’e fo lisaun ida atu haree oinsá ba futuru bele dezenvolve di’ak liu tan área agrikultura, no bele hahú estabelese iha baze too ba nivél Nasionál.

Diretúra Jerál ne’e informa tinan- tinan governu Korea du Sul liu hosi ajensia Koica fó treinamentu ba ministériu hotu- hotu, liu liu MAP atu haruka funsinariu MAP partisipante formasaun iha nasaun Korea du Sul maibé tinan labele ba tanba surtu Covid-19, nune’e treinamentu ne’e hala’o iha rai laran.

Treinamentu ne’e mós hanesan treinamentu dahuluk ba online training iha Timor- Leste, kona-ba fundus no materia tomak hetan apoiu hosi KOICA, serimonia enseramentu formasaun ne’e hala’o iha loron kinta-feira (30/7), iha Maubara room Timor Plaza. (Tyfa)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login