Notisia

ATU REKOPERA EKÓNOMIA PRESIJA  HAHU HOSI BAZE

Ainaro –  depois estadu emerjensia ne’ebé mak guvernu estabelese tanba surtu Covid-19  durante fulan 3 iha teritorio tomak remata, agrikultór barak mak halerik tanba ekonómia  menus atu sustensa familia uma laran  tanba produtu ne’ebé mak sira kuda labele lori merkadu hodi hetan osan, neduni atu hahu rekopera ekonómia presija hahu hosi  nivel suku.

Loron tersa-feira (7/7/20) Ekipa SAPIP ka HAPAS  nasionál hala’o enkontru dahuluk ho Komite Jestaun Basias Hidrofrafika Be Lulik Ainaro (KJBHBLA)  konaba monitorizasaun no avaliasaun ba progarama Sapip  no  oinsa mak atu aselera fundus ki’ik ba grupu benifisiariu hamutuk 175  iha Munisipiu Ainaro  tanba durante ne’e lao tarde  inpaktu hosi surtu Covid-19 ne’ebé  afeita ita-nia rain.

Sekjen MAP hanesan mós diretór ba projeitu Sapip agradese ba komite Basias  hidrografika iha Ainaro  hamutuk ho autoridade  lokál sira esforsu an servisu hamutuk  tanba surtu covid-19 servisu projeitu sapip ne’e lao tarde neduni  ba oin presija liña kordenasaun no komunikasaun ne’ebé diak atu bele update progresu  lalaok programa ida ne’e tanba munispiu ne’e lao atrasa liu ona e ita tenki aselera ona proposta sira hosi grupu benifisiariu  nune’e sir a bele hetan fundus ki’ik hosi Sapip atu implementa atividade agrikultura tuir proposta ne’ebé maka sira submete ona.

Nia mós hatutan katak, ita tenki servisu hamutuk atu implementa atividade ne’e iha futuru tenki iha rezultadu ne’ebé maka positivu tanba objetivu hosi ho programa ne’e mak oinsa atu apoiu  ita -nia povu iha iha nivel aldeia ou suku bele moris diak neduni  se laos ita mak halo se mak atu halo tan  neduni mai   ita hamutuk bele dezenvolve agrikultura  iha Ainaro,  grupu sira tenki produs ai-han ne’ebé mak povu presija duni labele  hatama de’it  ai-han  ki’ik boot hosi  nasaun viziñu,  programa ne’e nia konteidu sustentabilidade neduni labele naben de’it iha ne’e maibé  tenki kontinua nafatin iha futuru.

Iha fatin hanesan, Administradór postu  Administartivu Ainaro, Nazario de Araujo  nuda’ar vise ba KJBHBLA hateten katak, durante ne’e ita hala’o de’it atividade non fisiku nian mak ita forma grupu,  halo sosializasaun programa ba grupu sira no  identifika prioridade ne’eb’e maka grupu sira  iha,  parte fisiku nian to’o agora ita seidauk  hala’o  tanba surtu covid-19  maibé ho enkontru ida ohin  it a bele haree hamutuk atu bele hadia failansu  no atu bele aselera proposta hosi  grupu benifisiariu.

Nia mós husu ba xefe suku  13 ne’ebé maka programa Sapip ne’e implementa atividade iha sira nia fatin  tanba xefe suku sira mak sai alvu ba programa ne’e atu bele servisu hamutuk ho grupu sira iha sira nia suku idak-idak   neduni  programa ne’e sei hetan rezultadu diak iha futuru, tanba liu hosi programa Sapip ne’e it a bele kria ekonomia no redimentu hosi familia  neduni atu rekopra ekonomia tanba surtu covid-19 ne’e presija hahu husi nivel suku.

Entretantu Programa ofisial Sapip Ainaro, George Manuel hatutan tan,  total grupu benifisiariu iha Be lulik Ainaro Hamutuk 175 ne’e kobre iha postu adminitrativu 4 no iha suku 13, durante ne’e formasaun ba grupu balun remata ona no balun seidauk kestaun tanba surtu covid-19  maibé iha tempu badak sei kontinua fó formasaun ba grupu ne’ebé mak seidauk hetan, dadaun ne’e grupu 9 maka hatama   ona proposta e halo ona verifikasaun no submente ona ba sekretariadu Sapip nasionál  atu bele aprova iha tempu badak hodi entrega ona fundus ki’ik ba grupu benifisiariu sira atu bele hala’o sira nia atividade  tanba proposta ne’ebé mak sira hatama tuir epoka kuda nian.

Komite jestaun basias hidrografika iha ne’e servisu hamutuk ONG konsosrsiu sira ami prepara hotu ona kalendariu konaba formasaun ba grupu sira seluk , tanba grupu benifisiariu sira ne’e mak hatama proposta ne’e tuir kalendariu kuda neduni grupu balun komesa tarde ona maibé ita espera katak iha tempu badak sei realiza  formasaun  no sira mós bele ona submete proposta mai iha sekretariudu tanba grupu balun komesa hatama ona dadaun ne’e ami halo avaliasaun ba sira nia proposta  no verifika fatin atividade hirak ne’e antes haruka proposta ne’e ba sekretaridua Sapip Nasionál. (E’S)

 

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login