Notisia

MAP LANSA RESULTADU AVALIASAUN RAPIDU BA SEGURANSA AI-HAN

Fotografia/Elsio Jong/INFO-MAP

Dili: Ministériu Agríkultura e Peskas  liu hosi Diresaun Nasionál Seguransa Alimentar lansa relatoriu levantamentu dadus seguransa ia-han iha Timor-leste, relatorio levantemntu dadus ai-han ne’e Ministeriu hetan apoiu  maka’as hosi governu Australia liu hosi ajensia Oxfam  iha area agrikultura nian no liu hosi dadus ida ne’e ita bele komprende impaktu (covid-19) ba iha parte area seguransa aihan nian.Serimonia lansamentu ne’e hala’o iha loron tersa(9/6/20)  iha Timor plaza lantai 4 Suai Room.

Ministru agríkultura e peskas Pedro dos Reis   apresia tebes  apoiu guvernu Amerikanu,  Australia  no parseirus dezenvolviemntu inklui linã ministerial tanba ohin loron bele lansa rezultadu relatoriu levantemntu dadus Seguransa Aihan iha Timor-leste, hein katak kooperasaun no kolaborasaun sira hanesan ne’e bele kontinua nafatin iha futuru.

Fotografia/Elsio Jong/INFO-MAP

Nia hatutan, durante ne’e seguransa ai-han sai prioridade ne’ebé importante ba dezenvolvimentu nasionál neduni  to’o agora guvernu, parseiru dezenvolvimentu sira, seitór privadu no sosiadade sivil sira esforsu an hadia seguransa alimentar iha rai laran. Apoiu orsamentu  ne’e mai hosi guvernu Amerika no guvernu Australia.

Iha fatin hanesan, Embaixador Australia Peter Robert esplika katak,  guvernu Australia orgullu tebes hodi fo ona apoiu ba levantamentu  dadus ida ne’e  liu hosi oxfam agrikola no ami sai hanesan doador ne’ebe boot liu iha seitór agrikola tanba  agrikultura importante tebes hodi asegura seguransa aihan no sai mós hanesan fonte prinsipal ida hodi sustenta Timoroan barak nia moris, Ami iha komitmentu nafatin atu servisu hamutuk ho Timor- leste hodi responde no rekopera iha parte ai-han impaktu hosi (COVID-19) mosu iha nasaun ida ne’e.

Nia mós hatutan, Ami fo asistensia adisionál liu hosi  ajensia Tomak,Market Development Facility/MDF no ami nia programa koperasaun ONG Australia nian hodi hasa’e produsaun aihan no apoiu seguransa aihan no apoia povu ne’ebé depende ba agrikultura hodi sustenta sira nia moris. (E’J)

 

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login