Notisia

Projeitu Sapip fó Apoiu fundus Ki’ik Ba Grupu Benifisiariu 26 iha Posto Administrativu Zumalai

Fotografia/E'S/INFO-MAP

Covalima- Ministériu Agríkultura e Peskas liu hosi Projeitu Sapip ka Hapas apoiu fundus ki’ik ba grupu benifisiariu sira ne’ebé  partense ba area alvu basia hidrografiku Be Lulik ho objetivu atu hasa’e rendimentu ekonomia kada uma iha area rurais.

 Iha  loron sesta (5/6/60) Ekipa Sapip hala’o enkontru  ho administradór postu administartivu Zumalai  tanba administradór zumalai hanesan mós komitee sub basias hidrografika be  lulik neduni presija esplika konaba projeitu Sapip  ne’ebé apoiu fundus ki’ik ba  grupu benifisiariu tanba administradór dadaun ne’e foun e seidauk apar ho  atividade saída de’it mak hala’o iha area alvu iha munispiu refere.

Diretór programa Sapip César José da Cruz esplika katak, Sapip  apoiu fundus ki’ik ba grupu benifisiariu  munisipiu Covalima ne’e atu produz produsaun ne’ebé maka   munisipiu ne’e iha no rezultadu produsaun sei lori ba merkadu e  rendimentu hosi  atividade sira ne’e  bele  ajuda  sira nia ekonomia uma laran tanba projeitu Sapip apoiu fundus ki’ik ne’e iha area hortikultura, pekuaria, peskas inklui floresta, neduni  grupu ida bele hatama proposta tolu tuir kriteria ne’ebé mak ekipa sapip  sosializa liu  hosi fó  formasaun ba grupu benifisiariu sira.

Nia mós hatutan, grupu benifisiariu  iha munisipiu Covalima hamutuk 26,  grupu 23  maka hatama ona proposta no 3   sei iha hela prosesu  e  proposta hirak ne’e programa ofisial hamutuk ho ekipa komitee munispiu prosesu ona halo screaning ba proposta atu bele haruka ona ba Sapip nasionál hodi bele aselera  tanba durante ne’e la  lao  impaktu hosi  proglema surtu covid 19.

Fotografia/E'S/INFO-MAP

iha fatin hanesan, programa ofisial Sapip iha Munipiu Covaima Loenito do Nacimento  relata katak, durante Programa ofisial hamutuk ho komitee basias hidrografiku inklui ONG konsorsiu sira hala’o tiha ona formasaun ba grupu benifisiariu sira  no grupu hirak ne’e submete ona proposta  no hela grupu tolu mak sei iha prosesu hela no iha tempu badak ekipa komitee iha munisipiu tun direita sei halo liña koordenasaun ho autoridade lokál atu bele verifika fatin ne’ebé mak grupu sira atu implementa atividade tuir proposta ne’ebé mak sira hatama.

Nia informa liu tan, Iha fulan ida ne’e ita bele rekoilla hotu proposta no bele prosesu lais atu bele lori ba Sapip Nasiónál hodi bele  aprova no   bele entrega fundus ki’ik ba sira atu implenta atividade tuir sira nia proposta idak-idak, iha grupu ida bele  hatama proposta  tolu maibé orsamentu labele liu husi $. 9 mill tanba kada grupu  bele husu osan ho montante ne’ebé  mak determina tiha ona.

Grupu ne’ebé mak partense ba area alvu basias hidrografika  iha  ida de’it  mak hanesan suku Raemea aldeia hat mak, Oebaba, uma karan, loro no  adeia beilaku iha postu administrativu Zumalai. (E’S)  

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login