Notisia

MAP kolleta Hare Hektares 40 Iha Munisipiu Covalima

Fotografia/Elsio Jong/INFO-MAP

Covalima- Ministériu Agrikultura e Peskas (MAP) liu hosi Diresaun Nasionál Agríkultura Hortikultura e Estensaun (DNAHE) halo kolleta hare demo area ho total hektares ha’at nulu (40), kada hektare hetan 5,7 toneladas total natar 40 hektares  ho tonedas 228 ne’ebé mak  utiliza  adubus Organiku POC Nassa POP Super Nassa no Hormonik, ne’e hatudu ona rezutadu positivu iha area irrigasaun Oebaba Seldena Zumalai.

Tuir Ministro Agríkultura e Peskas (MAP) Pedro Dos Reis esplika katak, Fulan tolu (3)  liu ba halo ona demonstrasaun no ohin ita bele halo ona kolleta, rezultadu  hare  hektare ida   hetan 5,7 toneladas  kompara ho tinan kotuk nia rezultadu  hetan  3,2 toneladas, signifika katak rezultadu ba tinan ida ne’e  sa’e aumenta bo’ot tebes. Serimonia kolleta hare ne’e hala’o iha loron Sexta (05/06) iha natar Seldena Obebaba Zumalai.

 Fotografia/Elsio Jong/INFO-MAP

MAP  mós halo sei hao  planu ho liña Ministerial hot-hotu oinsa sira bele sosa ita nia produtu rasik,  iha programa barak hanesan Ministériu edukasaun iha programa merenda eskolar  buat sira depende ba ita nia komunikasaun ba malu oinsa maka atu bele jere. Sekarik produsaun hare ne’e  barak liu tan ita bele fahe mós ba funsionariu sira, ida ne’e maka ita sei garante ba iha futuru.

Iha fatin hanesan, Administradór Posto Zumalai Caetano dos Santos   Ribeiro, hato’o agradese barak ba Ministro MAP  bele hakat ona ba iha fatin kolleta hare maske do’ok.

 Fotografia/Elsio Jong/INFO-MAP

“Prestasaun Ministro nian mai iha fatin ida ne’e hatudu katak, Ministro hadomi tebes nia Povu Agrikultor sira, ida ne’e hanesan ezemplu ba ita -nia komunidade agrikultór sira. Ida ne’e sai hanesan motivasaun atu oinsa dudu ita nia agrikultór sira ho boa vontade nafatin ba iha futuru.” Hateten Caetano

entretanto Xefe grupu Seledenat, Lino Ribeiro  nia senti kontenti tebes, ho atividade ida ne’e, ba oin sira sei esforsu liu tan atu halo sira nia atividades halo natar ida ne’e atu bele hetan rezultadu ne’ebé maka diak liu tan iha futuru mai. grupu iha Seldena Oebaba hamutuk sanolu resin lima (15).

Fotografia/Elsio Jong/INFO-MAP

Antes ministru  ba fatin kolleta hare, Nia mós visita sentru tratores iha  postu administrativu  Zumalae hodi hare direta kondisaun tratór sira iha sentru refere tanba iha  tratores unidade 30 mak destaka iha  munispiu ne’e maibé hela  unidade  14 mak sei halo operasaun no  balun avaria ona  maibe ho total 14 labele kobre area ne’e hotu tanba  munisipiu ne’e  potensia ba hare. Ba oin ministériu sei tau orsamentu atu halo manutensaun b tratores hirak ne’e. (E’J)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login