Notisia

MAP SEI ESFORSU HODI BELE HADIA PRODUSAUN SEGURANSA ALIMENTAR IHA RAI LARAN

Fotografia/Elsio Jong/INFO-MAP

Dili- Ministru Agríkultura no Peskas,  Pedro Reis hala’o enkontru dahuluk ho kargu xefia sira iha ministeriu  kulia kona ba programa no dezafius   saída maka  Diresaun jerál no diresaun tékniku sira infrenta inklui  atividade saída de’it maka  lao ona iha ministeriu no balun ne’ebé maka  seidauk lao. Enkontru ne’e hala’o iha loron tersa (2/6/20)  iha salaun MAP Komoro.

Iha enkontru ne’e diresaun jerál idak-idak aprezenta programa no atividade ne’e mak diresaun   jerál sira hala’o maske ho orsamentu duadesimu de’it maibé programa balun bele konsege realiza hanesan programa hasa’e podusaun hare 40 hektares   uja adubus poc Nasa parte  costa sul  iha kanal irigasaun 9.

Ministru pedro Reis iha nia intrevista katak,  iha enkontru ne’e ha’u louva tebes diretór  jerál  no Nasionál sira   kulia buat barak  katak sira iha hanoin ida oínsa atu bele dezenvolve agrikultura ne’e ba oin  maibé problema ida  maka ministériu hasoru orsamentu ne’ebé mak aloka mai iha ne’e ki’ik  entaun sira labele halo buat barak tanba ita hotu hatene katak ministériu Agríkultura ne’e hanesan ministériu tekniku, neduni ba oin ita sei luta para hetan orsamentu bo’ot bele resolve problema produsaun nian.

Fotografia/Elsio Jong/INFO-MAP

 

Tuir ministru katak rekursu ne’ebé mak iha  kontinua uja tanba sira mak  tekniku ministériu nian  neduni ha’u laiha hanoin atu  halo mudansa ba lei Organiku ne’ebé mak estabelese durante ne’e maibé ha’u husu katak loke laran ba  malu atu ita bele servisu hamutuk hodi hadia povu agrikultór sira nia moris atu nune’e sira labele halerik ba hamlaha.

Alende ne’e, Ministru mós sei visita diresaun idak-idak atu bele hare direita prosesu servisu iha diresaun idak-idak nian no  husu  ba funsionariu no xefe sira tenki hatudu disiplina servisu no kumpri regra ministériu nian.

Ministru  mós husu ba funsionariu sira atu hala’o atividade hanesan babain no husu ba sekretariu jerál atu hare fo despaixu atu bele hala’o atividade servisu lao normal fila- fali.

Iha fatin hanesan, Maria Odete do Céu Diretora  Jerál Agrikultura no Hortikultura iha nia esplikasaun katak, planu ba futuru ministeriu bele konsentra iha atividade ne’ebé mak hasa’e produsaun tanba  ita hotu hatene katak Timor-leste inporta fos kuaze  75 porsentu hosi liur  neduni ministériu iha rasik nia planu oinsa mak bele hasa’e produsaun pelemenus ita bele hamenus inportasaun fos. E'S

 

 

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login