Notisia

FUNSIONARIU HAMUTUK KARGU XEFIA SIRA IHA MAP SIMU MINISTRU FOUN

Fotografia/Elsio Jong/INFO-MAP

Dili-   Ministru sesante Joaquim José Gusmão Dos Reis Martins  husu ba kargu xefia professionál sira  katak Ministériu bele iha palnu  estratésjiku  ne’ebé  oin-oin hodi halo transformasaun agrikultura iha ita- nia rain maibé polítika no planu de’it seidauk to’o,  ita nia fuan presija muda maske labele muda iha kalan ida de’it, atitude sosial presija tempu naruk atu muda maibé ita hakarak muda seguransan aihan, mal nutrisaun  ita boot sira tenki fó apoiu tomak nuda’ar ema professionál hamutuk ho ministru foun atu bele implementa planu ne’ebé mak ita iha tiha ona, ministru sesante  hato’o lia hirak ne’e iha serímonia entrega pasta ministru ba ministru MAP foun, Pedro dos Reis iha  loron segunda (1/6/20) iha salaun MAP Komoro.

Nia fó benvindu ba ministru foun no  entrega relatoriu  durante nia mandatu  ba ministru foun,  tanba ministru Pedro dos Reis laos ema foun tanba uluk Nia  mós nia servisu iha area agrikutlura, durante ha’u simu pasta nuda’ar ministru agrikultura iha tinan rua liu ba ha’u  tenta haka’as an hodi bele lidera ministeriu boot ida ne’e atu servisu la’os ho ema balun de’it maibé ho ema hotu no tau interse agrikultór sira nian ás liu interese sira seluk, iha momentu ne’eba mós ha’u deside kedas maske iha apoiu  intesaun polítika hakarak hotu-hotu servisu ho professionál iha ministeriu ida ne’e no ne’e sai duni realidade to’o ohin loron.

Ha’u senti iha serteza maka’as iha tinan rua liu ba katak banhira ita hotu servisu professionál hodi servi ita –nia povu ne’e bele akontese duni, obrigado ba ba estrutura MAP nian tomak ho  sira nia kontribuisaun durante iha  ha’u nia mandatu, ita-boot sira ema ne’ebé mak profesionál duni iha area agrikultura ,ita boot sira  nia dedikasaun no korajen nafatin mai ha’u maske situasaun ladun favoravel tanba  ministeriu la’o de’it ho orsamentu duadesimu, ha’u mai iha ministériu agríkultura ne’e ho ambisaun no planu ne’ebé mak boot maibé seidauk konsege konkritiza planu sira ne’e atu hala’o hotu. Tenik Joaquim Gusmão

Hanesan ita hotu hatene katak ita -nia rain iha potensial ne’ebé boot iha area agrikultura, peskas, pekuaria no floresta, maibé potensia sira ne’e bele realiza kundo ita servisu hamutuk, ho planu no orsamentu ne’ebé mak sufisiente no apoiu hosi tekniku professionál sira ne’ebe masimu atu bele iha duni sentidu partensia ka responsabildade ba ita- nia servisu maske  ita iha diferensia oin-oin ba dezenvolvimentu agrikultura  iha ita nia nasaun, maibé ita hotu hatene katak dezafius ne’ebé mak ha’u hasoru mak orsamentu ne’ebé mak la sufisiente no tempu ne’ebe mak badak liu atu  bele implementa planu boot  ne’ebé mak iha hodi bele realiza.

Programa ka atividade ne’ebé mak implementa ona  durante ha’u nia mandatu sei entrega ba ministru foun iha relatoriu ida nuda’ar referensia no sai base ba sira nia kontinuidade, ha’u hakarak mós informa ba  sira programa balun ne’ebé mak ministru balun la konsege implementa no ita bele halo kontinuasaun no  ita bele implementa hanesan censu agrikola no programa estabelesementu  loja agrikultura ne’ebe sai embriu ba agrikultura subsistensia ba agrikultura komersial.

Fotografia/Elsio Jong/INFO-MAP

Ho estabelesimentu loja agrikultura ita bele ona  komesa simu ona  produtu lokál ne’ebé mak  grupu asosiasaun sira hari’i iha Timor laran tomak ho ida ne’e ita iha polítika ida katak povu kuda governu sosa ita  komesa hala’o dadaun ona, ita mós hakarak haforsa koopresaun entre ministerial hodi bele hasa’e produsaun hare iha ita nia rai laran, dokumentus hotu kompletu ona hein asinatura hosi membru guvernu  relevante sira, iha ita nia estrutura foun ita mós hamosu diresaun jerál foun ida hodi halo koopersaun ho seitór privadu hodi bele asegura involvimentu seitór privadu nian nuda’ar intermediariu nian iha dezenvolvimentu agrikultura nian, servisu ida ne’e boot teb-tebes  ha’u espera katak it a bele implementa iha tempu badak.

Nia mos informa ba ministru foun katak, Foin lalais ne’e MAP  mós komesa halo ona rekrutamentu kargu xefia no kargu diretór sira  iha ona komisaun funsaun públika neduni buat barak mak iha ona relatorio komesa hosi fulan juñu tinan 2018 to’o mai agora hein katak bele sai referensia ida durante ita boot nia mandatu, durante ita boot nia mandatu bele dezenvolve agrikultura atu bele kore ita nia populasaun hosi seguransa aihan.

Ministru sesante mós hato’o  agradese ba parseiru dezenvolvimentu sira hotu ne’eb’e mak  hamahon iha ministériu ida ne’e  hanesan FAO, Banku Mundial, Word fish, Avansa, Coica, Uniuan Europea no sira seluk ne’ebé mak durante ne’e servisu hamutuk ho MAP durante ne’e, ita boot sira nia apoiu importante atu dezenvolve seitór agrikultura.

Iha fatin hanesan, Ministru foun Predro dos Reis  agradese ba ministru sesante tanba iha nia  mandatu durante tinan rua ho balun de’it ho orsamentu duadesimu nia kosege halo buat barak inklui hala’o programa sensu agrikultura 2019 ho obstaklu  barak ne’ebé  mak nia hasoru. Ha’u husu  ba funsionariu sira no katak ita tenki servisu hamutuk tanba ita iha interese rasik neduni ita tenki servisu maka’as tanba sem servisu ita sei lahalo buat barak.

Teknikamente ita labele kulia barak tanba ba oin diak liu ita haree programa sira ne’ebé mak balun lao ona no balun seidauk lao tanba saida, tanba ita ministeriu tékniku ita tenki esforsu an  tanba povu halerik ba aihan neduni agora ita tenki servisu hamutuk  atu ba oin.

Nia mós salienta katak, Ministeriu agrikultura hanesan ministeriu tekniku ne’ebe ita sei luta atu bele hetan  ne’ebé osan boot  hodi  bele produz aihan  neduni ita presija halo mak linã koordenasaun ne’ebé mak diak no tenki servisu hamutuk, iha sesta liu ba depoisde ami simu tomada de posse Primeiru ministru oreinta direta katak MAP tenki hasa’e produsaun. Tanba saida mak ho kazu surtu 19 populasaun halerik ba aihan ne’e ita nia kulpa  neduni ba oin tenki servisu maka’as iha area agrikultura.

 Alende ne’e,  Sekretariu Jerál MAP, César Jos’e da Cruz nia intervista depoisde semonia  simu ministru foun esplika katak, durante ne’e ministériu propoin orsamentu 15 milloens ba OJE 2020 maibé  OJE uluk labele aprova no guvernu tama ho orsamentu duadesimu entaun ami labele halo buat barak  tanba atividade tinan ida ami tenki tau orsamentu tinan ida nian.

Agora ho ministru foun ami bele halo diskusaun  no debate diak  liu tan  prioridade Agrikultura iha area Floresta, Peskas, Pekuaria e Veterenaria inklui Agrikultura e Hortikultura no sira seluk tan ne’eb’e mak presija hare  iha oin mai, tanba ho situasaun ida  dadaun ne’e mosu hanesan proglema kazu surtu kovid 19 hahan labele tama mai entaun ita presija produz aihan barak iha ita-nia rai laran.

Dadaun ne’e ministériu lao ho orsamentu duadesimu ne’e duni ami labele halo buat barak  tanba ho orsamentu duadesimu kada fulan tenki hatama relatoriu. ES

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login