Notisia

MAP-Pertamina Internasionál Timor Kuda Ai-parapa hun rihun 2.500 iha Metinaro

 Fotografia/Elis Soares/INFO-MAP

Dili- Ministériu Agríkultura liu hosi Diresaun Jerál Floresta Servisu hamutuk ho Pertamina Internasionál Timor  kuda Ai-parapa  ka Mongrove  rihun rua atus lima  hun   iha rai hectare  ida ho balun  ho objetivu atu  restora fila-fali ai-parapa  ne’ebé mak lakon ona iha area kosteira tanba ai ne’e inportante tebes ba iha area tasi ibun tanba bele konserva be’e no ikan oan iha tasi laran.

Sekrétariu Jerál MAP nu’udar reprejentante Ministru  Agríkultura,  César José da Cruz, iha nia deskursu katak lori ministru agríkultura nia naran  agradese ba parseiru sira hanesan  Pertamina Internasionál Timor, Telecomsel, Banku Mandiri no Embaixada Indonézia tanba kontribui hodi hadia rai ida ne’e neduni  husu ba joven no estudante sira katak Timor iha imi kabas ohin ami hahu  de’it  joven sira mak sei kontinua ba oin, serimónia kuda ia-parapa  ne’e hala’o iha loron sesta (6/3)iha Metinaro.

Nia mós husu ba joven sira katak responsabilidade  tomak  ba jerasaun  foun sira tanba sira mak  sei aproveita ami hirak ne’ebé mak kuda ai ohin loron ne’e ami hahu hodi rai hela ba imi joven sira iha futuru hodi hadia ita-nia rain ida ne’e. se ita kulia konaba Agrikutura, pekuaria, peskas no floresta ne’e ita kulia konaba seguransa alimentar neduni  ita lalika tesi ai arbiru  liu-liu ai-parapah.

Iha fatin hanesan,  Diretór Jerál Floresta café e Plantas, Raimundo Mau  iha nia hateten katak, Ministériu servisu hamutuk ho Pertamina Internasionál Timor  kuda ai- parapa  ba dahaat iha area ne’e, ai-parapa  hanesan ai ne’ebé mak komunidade sira tesi barak neduni mosu  degradasaun  tanba iha tinan atus liu ba ai-parapa  ne’e kuaze hektares rihun 12 maibé  dadaun ne’e vdadus Nasionál hatudu katak  hela de’it  hektares 300 ne’e ne’e hanesan  problema bo’ot id a ba ita nian rai neduni ema hotu-hotu iha responsabiidade atu bele restora  fali  ka kuda fila-fali ai-parapa nune’e bele sai fali ekosistema iha area kosteira atu nune’e iha balansu nafatin

Fotografia/Elis Soares/INFO-MAP.

Nia mós hatutan katak kuda ia-parapa  labele para de’it iha area metinaro maibé  it a bele kontinua ba area kosteira sira seluk iha  Timor-Leste.

Entretantu Reprejentante Pertamina Internasionál Timor,  Dana mós hateten katak, ami hosi Pertamina Internasionál agradese ba  Diresaun Jerál floresta tanba ita bele hala’o serimonia kuda ai-paraiha fatin ida-ne’e maske iha ne’e laos ai-parapa de’it maibé iha mós fatin hakiak ikan no boek (Aqua Salobra) neduni fatin ne’e inportante  atu kuda fila-fali ai-parapa tanba bele fo ekosistema, meiu ambiente  no Industria Agrikultura  ida ne’ebé  mak diak liu iha futuru.

Iha Timor-leste iha rezultadu peska ka tasi barak mak ita halo importa hosi liur neduni ba oin  ita bele haree  negosiu ki’ik sira iha area tasi nian atu bele hadia ekonómia rai laran nian.iha Pertamina Nasionál Timor ne’e mós iha nia programa konaba meiu ambiente no programa sosiál hodi ajuda komunidade  balun hanesan kuda ai-parapa  no iha asaun sosiál seluk.

 Xefe suku  Sabui Metinaro, Ricardo da Silva mós salient katak,  nia mós agradese ba Governu no Ajensia sira ne’e mak servisu hamutuk hodi kuda ai - parapah  ba dahaat ne’e, tanba ne’e  ha’u nudar autoridade lokál iha fatin ne’e husu ba komunidade iha area refere katak ne’e  ita- nia responsabilidade  tomak atu bele tau matan ba ai hirak ne’e atu bele moris diak iha futuru .

Iha serimónia kuda ai-parapa  ne’e reprejentante Ministru entrega mós sertifikadu  koopersaun servisu periodu  tinan 2017 to’o 2020 ne’ebé  mak hodi halo intervensaun kuda ai-parapa  iha area kosteira, parsisipa iha kuda ai ne’e mak reprejentante  Ministru MAP  Sekretariu Jerál MAP  César José da Cruz, Reprejentante Embaixadór Indonézia, PNTL, Telecomsel, Banku Mandiri, Autoridade lokál, Estudante sira hosi Eskola Sekúndaria 20 Setembru Metinaro, Eskola Basiku 3 Metinaro inklui Estutante hosi Universitariu. Marquita

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login