Notisia

MAP Lansa Kuda Hare Hektares Haat-nulu Iha Munisipiu Covalima

Fotografia/Elsio Jong/INFO-MAP

Covalima- Ministériu Agríkultura e Peskas (MAP) hala’o lansamentu kuda hare iha Demo-area hektares haat-nulu ne’ebé utiliza adubus organiku Poc Nassa, POP Super Nassa no Harmonik, objetivu utiliza adubus organiku refere atu bele hasa’e produsaun produtividade hare iha futuru, Natar hirak ne’e fornese be’e husi irrigasaun Oe-baba

Objetivu hosi uza  adubus organiku POC Nassa Harmonik atu nune’e ita bele rédus uza adubus kímiku, ida ne’e hanesan mós pilotu ida, karik nia rezultadu diak ba oin, ita bele utiliza nafatin ita-nia adubus organiku ne’ebé mak iha, hateten  Ministru Agrikultura e Peskas (MAP) Joaquim José dos Reis Gusmão Martins, hafoin Hala’o seremonia lansamentu kuda hare, iha loron Segunda (02/03) iha Suku Raimea Postu Administrativu Zumalai.

Fotografia/Elsio Jong/INFO-MAP

Nia akresenta, atividades sira ne’e ita sei halo iha irrigasaun sia (9) hanesan Oebaba, Karau ulun, Bluto Laleia, Bebui Vikeke inklui irrigasaun  Maliana, ita mós sei ba tan rrigasaun Tono Oecusse atu koko nafatin ita-nia adubus organiku ida ne’e hodi bele habokur nafatin ita- nia rai.

Iha fatin hanesan, Diretór Agríkultura  Munisipiu Covalima Zeferino Amaral Guterres hateten katak, programa ida ne’e naran Demo-Area hanesan domonstrasaun ka piloto ho nia luan area 40 hektares ne’e sei utiliza adubus ida naran Poc nassa Super Nassa no Harmonika,  adubus ne’e hanesan adubus foun ne’ebé ita foin utiliza iha natar ida ne’e.

Nia mós informa ba Agrikultór  sira katak adubus organiku ida ne’e diak tebes, tanba nia la kontamina ho kímiku. Tanba ne’e sei la fó impaktu ba natar sira. E’J

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login