Notisia

Ermera Insera Census Agriukultura

Fotografia/Reno Rafina Lopes/INFO-MAP

Ermera- Munisipiu Ermera hala’o seremonia inseramentu ba  Census Agrikultura ne’ebé mak  hala’0 ona husi enumeradór GPS traker no Manajer Census Agrikultura nian. Ministériu Agrikultura e Pesakas (MAP) servisu hamutuk ho Ministériu Financas liu husi Diresaun Jeral Estatística ne’ebé  hala’o ona Census Agrikultura iha tinan kotuk, objetivu husi Census Agrikultura ne’e atu recolla dadus iha area Agrikultura nian. 

Seremónia inseremanetu ne’e ofisialmente insera husi Sekretario Jerál MAP, César José da Cruz, akompaña mós Prezidente Autoridade Munisipiu Ermera José Martinho dos Santos soares,  Diretór MAP  Munisipiu Ermera Ekipa husi DJE nomos membru Enumeradór, GPS Traker no Manejer CA nian, Seremonia inseramentu ne’e hala’o iha loron Sexta (31/01) iha Salaun Paroquia Gleno Munisipiu Ermera.

Tuir Secjer MAP, César hateten La iha Agrikultura la iha hahan, la iha hahan la iha futuru. Ha’u lori Ministériu Agrikultura e Peskas nomos Ministériu das Financas liu husi Diresaun Jerál Estatistika nia naran hakarak hato’o parabens ba komponente hotu- hotu ne’ebé mak hala’o Census Agrikola iha Timor Leste.

Nia mós haktuir, Kuandu ha’u ba vizita iha rai liur, ema barak maka fó parabens, I ema hakfodak katak Timor- Leste mós dadaun ne’e  iha ona Census Agricola, hare ba Nasaun ida ne’ebé maka foin ukun a’an ida ne’e hanesan louvor bot ida ba ita Timor- Leste, tanba iha Nasaun barak maka seidauk hala’o Census Agrikultura.

Ita- nia Nai ulun sira mós dehan katak ho dadus mak ita bele deside polítika, husi polítika ita deside polítika ba osan husi polítika osan foin ba halo programa sira hanesan ba projeitu, projeitu ba atividades sira, ida ne’e mak  importante tebes, tanba ne’e maka dala ida tan ha’u lori MAP nomos MF liu husi DJE nia naran hakarak hato’o agradese wain teb-tebes ba Prezidente Munisipiu Ermera nomos komitiva tomak nune’e mos ba ita nia Eskuadra PNTL Munisipiu Ermera ne’ebé fo apoiu tomak, Xefe Aldeia, Xefe Suku, nomos Komunidade tomak Ajensia relevante sira nune’e mós Amo Paroquia sira tanba antes atu hahú hala’o Census Agrikultura Amo Paroqui sira mos sempre fo sai avizu iha Igreja atu ita -nia komunidade sira bele fó dadus ne’ebé mak lolos.

Ha’u fiar katak ho Census ida ne’e ita bele tau planu diak ba ita nia rai ida ne’e. ne’e duni dala ida tan ho Maromak no Matebian sira no rai lulik ida ne’e hau insera ita nia Census Agrikola Ermera. Ermera maka taka uluk, maíbé lasignifika katak Census Agrikola ida ne’e la hotu ona ho ida ne’e maíbé sei kontinua nafatin ba futuru.

Fotografia/Reno Rafina Lopes/INFO-MAP

Iha fatin hanesan,  Diretór MAP Ermera, José de Deus hateten, Census Agrikultura ida ne’e primeira ves ita hala’o iha Timor leste, ne’ebe hakarak hato’o Agradese baVise Prezidente Census Agrikola Timor- Leste katak ami Ermera iha suku 52 maíbé  ami lao tuir orariu ne’ebé maka iha, maske lao tun sae, tama mota kuak sai mota kuak no sira balun hakilar no halerik ba lamentasões hirak ne’eé maka durante fulan rua nia laran sira lao, maibé sira alkansa to remata duni iha loron ne’ebé maka determinadu.

Ne’e duni hakarak fo hatene katak maske ami nia area ne’e luan tebes maibé sira esforsu sira nia a’an lao tuir orariu ne’ebé maka iha, ami nia membru hirak ne’ebe maka hala’o servisu ne’e mós lao ho diak ho sira nia esforsu tomak sira bele ona rekolla  dadus ne’ebé maka iha. Maske la to’o 100% ba mais ou menus iha 75 ou 85 % dadus ne’ebé maka tama husi Munisipiu Ermera.

Ami agradese tebes ba Xefe Aldeia no Xefe Suku sira ne’ebé maka durante ne’e bele ajuda ona ami nia enumerador sira GPS Tekkerr hodi bele sukat ita nia to’os no natar ne’ebé maka iha Ermera laran ne’e maske hasoru dezafius barak maibe sira konsege percorre hotu. ami mós hakarak Ageadese ba VIII Governo ne’ebé maka tau ona ba iha planu hodi hala’o Census Agrikultura ida ne’e.

Alende ne’e, Presidenti Autoridade Lokál  Ermera, José Martinho dos Santos Soares,  salienta tan katak,  objetivu husi Census Agrikultura ida ne’e atu rekolla  dadus, kuandu ita servisu ho dadus mak  ita bele iha serteza katak programa dezenvolvimentu ne’ebé ita haruka ba ne’e ita aprova atu hala’o ne’e konaba kedas ba iha dadus hirak ne’e.

Iha Ermera ita -nia servisu Agrikultura ita bele dehan katak iha dezafiu bo’ot, tanba rai ne’e potensial ba Agrikultura maibé to tempu ida potensia Agrikultura la sae, ezemplu hanesan kafé, kafé tinan ba tinan nia produsaun tun ba bebeik ida ne’e maka sai hanesan dezafiu bo’ot ida mai ami Ermera.

Ita Timor naran bo’ot tanba café, maibé  ita -nia produsaun tun ba bebeik ita lakon ona ho Nasaun sira seluk, ita bele manan iha kualidade maibé kuantidade ita la iha, ne’e duni ha’u husu ba Xefe Aldeia, Xefe Suku, no mós Administradór sira ne’ebé maka besik liu ba ita -nia inan Aman sira bele fó mós korajen ba sira atu bele halo servisu ho responsavel tomak  liu liu iha area kafé. (Tyfa)

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login