Notisia

MAP KUDA AI KAMELI IHA SUKU ZULO

Fotografia/Marquita/INFO-MAP

Covalima- Ministériu Agríkultura e Peskas liu hosi Diresaun Jerál Floresta lansa programa kuda ai kameli hun  mill 2 ba iha  prímeira etapa  rai  50 hektares  ho objetivu katak Importansia Dezenvolvimentu Ai- Kameli hanesan Rekursu Renovavel  produtivu ne’ebé iha Valor Ekonomia Bo’ot iha Timor-Leste, iha  kuarta-feira (23/1/20) suku Zulo Posto Administrativu Zumalai.

Sekretariu Jerál MAP, Sécar José da Cruz nu’udar  Reprejentante Ministru Agrikultura e Peskas iha nia deskursu  katak, Ai kameli ne’e  mak dadaun ne’e ita atu kuda iha suku   bele apoiu   ekonomia komundade iha fatin ne’e rasik no prepara para  jerasaun futuru, komunidade iha ne’e labele sosa buat ki’ik oan ida tenki hakat ba rai sorin(betun –Indonezia ) ita mós bele kria fatin industria iha ita- nia rain rasik atu nune’e  ita rasik bele aproveita.

Nia mós hatutan, kuda ai ne’e nia funsaun  barak ida ba ekonomia rai laran nian,  bele mós satan rai halai atu labele hamosu inundasaun iha tempu udan. Tanba iha tempu uluk liu suku zulu kundo iha tempu udan sempre iha dezastre inundasaun.

Tuir Diretór Jerál Floresta Raimundo Mau,  iha nia intervista depoisde remata kuda ai oan iha suku zulo esplika katak, programa kuda ai oan ne’e hanesan programa nasionál nian ne’ebé  mak uja Orsamentu jerál Estadu 2019 porvolta 100 mill dolaraes Amerikanu, maíbé ita esforu atu asegura atividade kuda ai ne’e ho diak,  diresaun jerál Floresta halo espansaun kuda ai-kemeli iha teritorio Timór tomak, ai kameli ne’ebe mak guvernu kuda laos iha rai komunidade nian maíbé ne’e hanesan ai laran industria (Hutan Tanaman Industri) .

Total Ai kameli hamutuk  mill  2 ba prímeira etapa, kuda ai kemeli ne’e mós kumunidade sira bele aproveita kuda ai horis seluk uja programa tumpang sari ka  agro foresty atu bele koilleta iha tempu badak hodi bele faan direita ba sira nia ekonomia rasik.

Administradór Munisipiu Covalima, Afonso Noqeira Nahak  hateten katak, Programa ida -ne’e henasan programa nasionál nian ne’ebé mak organiza hosi diresaun jerál Floresta nasionál,  ne’e hanesan programa diak  mai Munisipiu Covalima liu-liu  iha postu administrativu zumalai suku Zulo nian, kuda ai-kameli ba hektares 50 iha etapa prímeira no sei kontinua ba rai hektares 50 tuir mai.

Fotografia/Marquita/INFO-MAP

Programa ida ne’e fó  benifisiu ba kumunidade iha fatin refere tanba ita laos kuda ai-kameli de’it maíbé komunidade mós bele kuda ai-horis tempu badak  nian   hanesan batar, ainanas no ai-horis  seluk ne’ebé  bele koilleta,  Neduni bele apoiu ekonomia familia idak-idak nian iha suku ida ne’e.

Nia mós hatutan tan katak, programa kuda ai-kameli ne’e labele para  de’it iha suku zulo maibé  bele mós ba postu seluk ou suku seluk atu nune’e komunidade sira bele senti nia rezultadu tanba Ai-kameli ne’ebé mak ita kuda agora ne’e presija tempu naruk  mak foin bele uja entaun ida ne’e ita prepara ba ita nia jerasaun foun.

Iha fatin hanesan, Xefe suku zulo João Lopes de Carvalho salienta katak, atividade kuda ai kameli ne’e importante tebes ba ami nia suku ida- ne’e  tanba ami mak sei hetan nia rezultadu iha futuru. Ha’u orgullu bo’ot tebes ba atividade ne’e tanba ai kameli ne’ebe maka  dadaun-ita kuda  ne’e prepara ba ita nia be aon sira.

Xefe suku  mós husu nafatin ba guvernu  katak atvidade ne’e labele para iha ne’e de’it maíbé bele kontinua ba suku seluk  atu nune’e komunidade senti duni katak dezenvolvimentu iha area  industria ai kameli nian. 

Diresaun Jerál floresta mós fahe ai –kameli oan ba kada uma kain ne’ebé mak ha inisiativa atu kuda banhira ai-kameli ne’e bo’ot sira bele fa’an direita no nia retornu ba sira nia familia rasik. (Tyfa)

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login