Notisia

MAP KOILLETA IKAN BE’E MIDAR 5,1 TON IHA POSTO ADMINISTRATIVU FATUBERLIU

Fotografia/Elsio Jong/INFO-MAP

Ministériu Agríkultura no Peskas liu husi Diresaun Nasionál Aquikultura koilleta ikan be’e midar  spesies Nila ho total Rihun lima atus ida kabesaS ka 5,1 ton iha sesta- feira (20/12/19, suku Clacuc  posto Administrativu Fatuberliu  Munisípiu Manufahi.

Iha programa hakiak ikan be’e midar ne’ebé  MAP implementa  iha Munisípiu ne’e atu ajuda komunidade sira  aumenta nutisaun ba sira- nia saúde maske sira lahela besik iha tasi hodi konsumu ikan tasi maibé sir a bele konsumu ikan be’e midar iha sira -nia hela fatin.

Iha serimonia koilleta ikan be’e midar ne’e, Diretór Jerál Peskas, Acaçio Guterres esplika, ikan ne’ebe  ita koilleta ne’e ami nia tekniku sira husik iha fulan marsu no aobril tinan ida ne’e ne’ebe kuaze fulan nen ona ita husik entaun ohin loron ita halo koilleta ne’e hatudu katak, kresimentu ikan ne’e kapas loos tanba ikan 2 de’it nia todan kilo ida resin  ka ikan ida de’it be’e to’o 600 ou 700 kg kada kabesa ne’ebé ita foin koko hakiak  maibé hatudu rezultadu diak neduni ita sei desenzolve diak liu tan iha fatin sira ne’e, rai hetares 10 ne’e ita sei hakiak hotu ikan be’e midar no sei kria mos sentru produsaun fini ikan, depois mak sei hakiak tan iha suku fatukahi.

Rai ne’ebé mak halo kolan sira ne’e komunidade sira-nia rai  hodi oferese ba MAP depois Minísteriu jere sai hanesan patrimoniu estadu hodi halo kolan no hakiak ikan Nila iha ne’e depois mak faa’an fali ikan ne’e ba komunidade sira iha area refere kada ikan kilo ida dollar  amerikanu 3 osan hirak ne’e sei  hatama ba iha kofre estadu ne’e hanesan rendiemntu husi ita-nia rain rasik.

Fotografia/Elsio Jong/INFO-MAP

Nia mós hatutan,  Kona- ba hakiak ikan be’e midar iha   munisípiu  seluk durante Minísteriu Agríkultura  fo apoiu ba grupu sira ne’ebé mak iha munisípiu hot-hotu ita husik tanki hakiak ikan nian  maibé ladun bo’ot, dadauk ne’e iha  ona konstrusaun iha munisípiu sira hot-hotu e grupu mak sira jere atu nune’e sira bele hetan  osan  oínsa mak sir a bele dezenvolve sira nia ekonomia rasik.

Iha fatin hanesan, Xefe gabinete Ministru, Edio Mariano Soares mós hateten, dezenvolvimentu prosesu ida  ne’ebé mak importante meske polítika guvernu nian diak hakarak implementa buat barak iha komunidade nia le’et maibé laiha kooperasaun ne’ebe diak buat hot-hotu sei la lao guvernu iha planu diak tenki iha kooperasaun diak ho komunidade ho komunidade sira presiza mós prioridade hodi bele kontribui iha prosesu tomak tanba ida nemak komunidade sira iha suku 2 ne’e hatudu ona izemplu ne’ebe mak diak.

iha fulan hirak liu  ba ita mai husik tiha ona  ikan oan iha fatin ne’e,  ohin ita mai kolileta fila- fali katak komunidade sira mós vontade ne’ebe mak diak iha esperitu ne’ebé mak di’ak hanesan timór oan kontribui dunik ba dezenvolvimentu ida ne’e,  Entaun ba oin guvernu iha programa iha planu hakarak atu loke tan maibé hau husu ho ba autoridade local ka lider komunitariu sira nafatin koopera ho tékniku sira iha kampu.tenik  Edio Mariano

Serímonia koilleta ikan  total 5,1 ton ne’e, fa’an 314 Kg ne’e  hetan osan dollar amerikanu 942 ne’e sei hatama ba kofre estadu,  restu 4,785 kg ne’e fahe ba komunidade sira  iha area refere. E”J

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login