Notisia

Total OJE 2020 Ba MAP Hetan $. 14,250.608

Fotografia/Elsio Jong/INFO-MAP

Dili- Pakote Orsamentu jeral  Estadu  ba 2020  Ministériu Agrikultura e Peskas (MAP)   hetan $.  14,250.608 Dollares Americanu, kompara ho Orsamentu Jeral 2019 menus tebes, tanba OJE 2019 hetan 14,709.250 Dollares  Amerikanu. Orsamentu refere menus tiha $. 458.642.

Pakote Fiskal ne’ebé Ministériu Finansas Aloka ba MAP ne’e hamutuk $. 14,250.608 Dollares Amerikanu, ne’e kobre ba kategoria rua hanesan: salariu nomós Bens de Servisu maíbé kompara ho tinan kotuk osan ne’e tun ituan. Esplika Diretór Planeamentu e Monitorizasaun, Faustino T. G. da Silva hafoin hala’o diskusaun ho Ministro Sekretáriu Jeral,  Diretór Jeral Diretór Nasionál nomós Xefi Departamentu MAP nian iha loron Tersa (10/09) iha Salaun MAP Komoro.

Orsamentu hirak ne’e,  ami koloka ba programa bo’ot ha’at maka hanesan, Boa Governasaun, aumenta sustentavel atu iha produsaun, asesu ba merkadu nomós Rekursus Naturais. Hare ba orsamentu ne’ebé maka tun, automatikamente iha implikasaun tanba durante ne’e Governu nia metas hatur ne’e katak hakarak hasa’e produsaun, hakarak hasa’e mós area kultivasaun ba hare nomós batar, maíbé ho Orsamentu ne’ebé maka menus ami sei tenta atu bele jere ho diak.

Iha fatin hanesan, Ministro Agrikultura e Peskas (MAP), Joaquim Gusmão Martins hateten katak, pakote ne’ebé  mak entrega mai iha Ministériu Agrikultura e Peskas ba tinan 2020 nian  se kompara karik ho tinan 2019 nian ita iha menus $. 458.642. maíbé ida ne’e seidauk tama ho $. 3 miliões ne’ebé mak iha kompremisiu foun.

Fotografia/Elsio Jong/INFO-MAP

Nia akresenta, ho Orsamentu ne’ebé maka menus, ne’e  sempre iha implikasaun  maíbé ita tenta atu bele jere buat sira ne’e lao ho lós. No depois sei hasoru mós komisaun revizaun Orsamentu nian atu ita bele hato’o tók ita nia preokupasaun. Ho Orsamentu ne’ebé  mak menus,  ne’e ita atu bele halo saida de’it. Husu mós ba iha Komisaun Revizaun orsamentu nian atu bele konsidera tók, atu bele aumenta ituan ita -nia Orsamnetu ba tinan 2020.

Tanba sá maka ita hakarak atu aumenta iotuan,  Tanba ita atu bele responde ba programa oitavu  Governu  ninian. Hanesan ita bo’ot sira hatene katak, programa oitavu Governu nian ne’e bo’ot tebes, tanba ne’e ita hakarak atu tama ba tinan rua ou tolu ne’e ita bele atinji mós programa sira ne’ebé  mak iha.

Dezenvolvimentu Nasionál ne’e iha prioridade tolu maka hanesan, Agrikultura, Edukasaun nomós Saúde. Tanba ne’e mak  ita hare tók oinsa maka bele hetan Orsamentu ne’ebé maka adekuadu liu. Agora dadauk primeiru ita kumpri lai pakote no segundu hafoin ita husu tan orsamentu adisional balun. MAP nafatin fo prioridade importante ba setór sira  liu-liu Agrikultura, Pekuaria Peskas no Floresta. (Tyfa)

 

Tags:

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login