Notisia

MAP Hetan Apoiu Ró Peskiza Husi Tháilandia

Fotografia/Elsio Jong/INFO-MAP

Dili- Ministériu Agrikultura e Peskas (MAP) hetan apoiu Ró peskiza, husi Thailándia, Ró ne’e sei halo peskiza marinã ba rekursu Peska iha tasi Timor.

Ró refere ofisialmente lansa husi reprezentante Primeiru Ministro Fidelis Magalhães, akompanha mos husi Konselleru Embaixador Bankok, Acharapan yavaprapas ho kapitaun Ró, seremonia lansamentu ne’e hala’o iha loron Kuinta (13/06) iha Salaun Portu Dili.

Tuir Diretor Jeral Peskas Acacio Guterres esplika katak, Ró ne’e sei halo peskiza durante fulan rua nia laran. Ida ne’e mos sai hanesan matadalan ida ba ita Timor Leste atu oinsa bele hatene protesaun ou ita nia rekursu ne’ebe maka iha tasi laran hodi bele garantia sustentabilidade ba iha futuru. Peskiza ne’e sei hala’o iha parte norte no  sul, hetan mos Apoiu finansiamentu husi FAO Indonésia no mos FAO Timor-Leste. Peskiza ne’e hahu iha 8 de Junho to 27 de julho foin remata.

Nia akresenta, Timor oan feto rua no mane ha’at maka sei envolve iha peskiza ida ne’e, no sira mos akompanha halo analiza de dadus ba iha Tháilandia, atu oinsa maka bele update dadus sira ne’e iha laboratorium Tháilandia nian. Peskiza ida ne’e iha nia vantajem bo’ot tebes ba ita Timor leste, tanba dadus sira ne’ebe maka iha sai hanesan matadalan ida ba ita atu bele hatene didiak konaba ita rekursus sira iha tasi laran.

 Fotografia/Elsio Jong/INFO-MAP

Iha fatin hanesan, reprezentante Primeiru Ministro Fidelis magalães, sublinha tan katak, Ita Timor-leste iha koopesaun barak ho Nasaun sira, maibe kooperasaun entre Thailándia nian agora ida ne’e importante tebes tanba sira oferese Ró ida ne’e mai ita, ida ne’e hanesan potensia bo’ot ida ba ita atu kontribui ba bens estar no mos ba ekonomia.

Tanba liu husi Ró ida ne’e hodi halo peskiza atu ita bele hatene lolos saida maka iha tasi laran no hira maka iha tasi laran, no ita mos presiza halo politika ida ne’ebe diak atu bele aproveita diak liu tan ba rekursu ne’ebe maka ita iha.

Nia informa, Ida ne’e hanesan mos aprosimasaun sientifiku, ida ne’e hatudu katak Ministériu da Agrikultura e Peskas mos iha natureza sientifika ne’e be makas. Tanba wainhira ita halo politika ida importante tebes ita halo peskiza sientifika ida atu ita bele hatene lolos rekursu saida maka ita iha. Ho ida ne’e ita bele konklui katak kontribuisaun ida ne’e hanesan ezersisiu sientifiku ida hodi halo levantamentu konaba rekursus ne’ebe iha tasi laran no iha area kosteira sira, ho ida ne’e ita bele aproveita diak liu tan.(Tyfa)

 

 

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login