Notisia

Funsionariu 30 Remata Kursu Lian Ingles

Fotografia/Tyfa/INFO-MAP

Dili- Funsionariu husi Ministériu Agrikultura e Peskas (MAP) tolunulu (30) simu Sertifikadu, hafoin remata sira nia kursu lian Inglés iha ETDA, kursu refere durasaun fulan Lima hahu husi fulan Novembru to’o Marsu tinan ne’e. Programa ne’e hetan apoiu husi Fundus Dezenvolvimentu Capital Humanu-FDCH.

Relasiona ho asuntu ne’e Sekretariu Jeral MAP, César José da Cruz, hodi Ministériu nia naran hakarak agradese tebes ba FDCH ne’ebe mak ho esforsu tomak no hanoin diak atu lori Ministériu ne’e ba oin, liu-liu hadia Rekursus Humanus iha Ministériu Agrikultura e Peskas. Seremonia fahe Certifikadu ne’e iha loron Terça (04/06) iha Salaun MAP Comoro.

“Hau mos sente triste ituan tanba treinamentu bar-barak iha ne’e, ema barak lakoi tuir, ne’e gratuitu maibe la signifika katak la selu, Nasaun tau osan ba ita -boot sira, tanba sa maka lakoi aproveita, karik ita kompara ho Nasaun sira seluk buat hotu lao ho osan. Tanba ne’e dala ida tan hakarak agradese tebes ba Intituisaun FDCH ne’ebe maka fo ona oportunidade ba Formandu hirak ne’e.”

Fotografia/Tyfa/INFO-MAP

Iha fatin hanesan, Diretór FDCH Henrique do Rosario esplika katak, hanesan ita hotu hatene katak fundus instituisaun Estadu nian ne’ebe maka sira hari’i iha tinan hirak liu ba, hahu iha tinan 2011 ate agora, sempre rai osan liu-liu ba kapasitasaun ba funsionariu publiku sira bele fo mos bolsa ba funsionario publiku sira.

Nia relata, nivel formasaun ita nia Estadu tau osan, entaun husi MAP nian ami hare katak sira tau osan ba formasaun nian mos iha, entaun ida ne’e hanesan prioridade ida entaun iha prosesu tomak ne’ebe maka sira hala’o kapas teb-tebes.

MAP halo servisu ne’ebe diak tebes, ami mos kongratula tebes ba Diretór Rekursus Humanus nia planu ne’ebe maka kapas, bele aselera prosesu ne’e hodi bele benefisia formandu tolunulu ne’ebe tuir ona kursu Inglés iha nivel basiku 1 ho 2. Ida ne’e esforsu ida ne’ebe diak, espera katak sira bele halo planu diak liu tan, atu nune’e ba oin Estadu sei tau osan nafatin atu nune’e ita nia funsionariu sira mos bele aproveita oportunidade tuir mai. Formador hirak ne’ebe maka hanorin formandu refere maioria husi estranjeiru.

Entretantu formandu José Orlando Magno atualmente hanesan mos Diretor Nasional Pecuaria senti kontenti tebes ba oportunida ida ne’e, tanba bele aprende tan lingua Inglés.

Nia mos hatutan, Formasaun ida ne’e hanesan motivasaun ba ami liu-liu hanesan kargu xefia sira, oinsa maka atu bele komprende diak liu tan lingua hirak ne’e. Atu nune’e iha enkontru ruma ne’ebe maka diriji ho Inglés karik ami mos bele komprnde no hatene tanba lingua Inglés laos hanesan ita nia lian materna.

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login