Notisia

MAP Lansa Relatoriu Setor Café Timor-Leste Ba Tinan 2019-2030

Fotografia/Elsio Jong/INFO-MAP

Dili- Ministériu Agrikultura e Peskas (MAP) hala’o lansamentu Official ba Relatoriu Final Planu Nasional ba Dezenvolvimentu Setor Café (PNDSK) ba tinan 2019-2030 hodi bele hasa’e diak liu tan produsaun café iha Timor-Leste.  

Programa ne’e hetan apoiu husi Banku Dezenvolvimentu Aziatiku (ADB) no Assosiasaun Café Timor (ACT) hodi tulun atu hadia produtividade, kualidade no asesu ba produsaun café Timor-Leste ba merkadu Mundial. Seremonia lansamentu ne’e hala’o iha loron Terça (28/05) iha Hotel Timor Dili.

Tuir Ministro MAP Joaquim Gusmão Martins hateten katak oras ne’e dadauk produsaun café ne’e tun tebes, tanba ne’e maka ita presiza kria planu ida ne’ebe maka diak, se ita halo tuir planu refere ita nia espetasaun ita hakarak to tinan 2030 ita bele dupla ita nia produsaun.

“hakerek ne’e ita bele hakerek maibe implementasaun ne’e maka importante, atu nune’e ita bele implementa tuir saida maka hakerek ona iha ita nia planu, atu nune’e ita bele halo dupla produsaun.” Tenik Ministro MAP

Nia akresenta, Konaba orsamentu los duni katak ita iha orsamentu ne’ebe maka ki’ikoan, maibe ita tenta atu bele tau liu orsamentu diak ba iha setor café ne’e iha tinan oin mai, tanba ita hare katak iha ita nia loron independensia nian ita nia Prezidenti da Republika mos tau los importansia ba iha setor café, tanba ida ne’e maka iha tinan 2020 ne’e ita sei halo planu diak bazeia ba planu ne’ebe iha, bele tau orsamentu ida ne’ebe maka adekuadu atu bele dezenvolve diak liu tan ita nia setor café.

Fotografia/Elsio Jong/INFO-MAP

Iha fatin hanesan, prezidente Assosiasaun Café Timor Evangelino Monteiro reforsa katak, Papel Assosiasaun Café Timor (ACT) nian sempre kumri no halo tuir vizaun no misaun ne’ebe maka iha, sai mos hanesan mahon ba entidades hotu hotu ne’ebe maka servisu ba café iha Timor Leste.

ACT sempre halo kolaborasaun diak hodi hadia setor café iha Timor Leste. Atividades sira maka ACT realiza ona maka hanesan rejistu ACT iha Ministériu da Justiça no hetan legalidade rejistradu no sai mos mahon ba setor café iha Timor Leste. ACT hetan suporta husi membru Assosiasaun ne’e rasik no husi parseiru dezenvolvimentu sira maka hanesan: ADB, MDF, Governo Timor-Leste, Mercy crops, Embaixada Austrália, Embaixada Nova Zelandia, BNCTL, Timor-Leste, no mos Timor-Telecom.

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login