Notisia

MAP Kolleta Hare Nakroma Hamutuk Hektare ne’en (6)

Fotografia/Elsio Jong/INFO-MAP

Manufahi- Ministériu Agrikultura e Peskas (MAP) liu husi Diresaun Jeral Agrikultura e Hortikultura kolleta hare variedade Nakroma hamutuk hektare ne’en (6), atividade ida ne’e sai mos hanesan pilotu peskiza ida ba Agrikultór sira oinsa uza adubu organíku Nasa.

Tuir Secretáriu Jeral MAP, César José da Cruz hateten, atividade kolleta hare ho variedade nakroma ida ne’e, sai mos hanesan peskiza halo adubu organiku. Atividade refere hala’o iha loron Segunda-feira  (27/05) iha Irrigasaun Karau Ulun Betano Munisipiu Manu-Fahi.

Nia esplika, adubus organiku ne’ebe mak uza ita bolu Nasa, oras ne’e dadaun ita komesa uza oituan-oituan ba futuru  ita sei redus adubus  kimiku iha ita nia rai laran. Implementasaun iha ne’e ita hare katak produtividade kada hektare  bele hetan to 5 toneladas, ne’e signifika katak  produsaun diak tebes.

Fotografia/Elsio Jong/INFO-MAP

Politiku Governu nian oinsa mak hasae produsaun ai-han liu-liu ba batar no hare, agora dadaun, hare ita koalia konaba fos e fos ne’ebe mak ita produs ne’e seidauk bele konsumu ba Timor laran tomak, ho posibilidade ne’ebé  mak ita iha liu-liu iha Administradór, Diretór no mós estensionista sira atu bele propmove diak liu tan variedade ne’ebe maka sai ona produsaun diak. Ida ne’e mak ita husi Ministério da Agrikultura e Peskas hamutuk ho nai ulun sira iha munisipiu Manufahi liu-liu ekstensionista sira e liu-liu agrikultores ne’ebé mak implementa kaer rasik buat ne’ebe mak hare ida ne’ebé  fornese variedadene’ebe mak diak liu.” Informa César

Iha fatin hanesan xefi   Grupu agrikultór,  Domingos de Jesus hatutan tan katak, sira sente orgulho tanba bele kolleta ona sira nia hare refere, maske lao neneik maibe lao ho diak. No oinsa atu ema hot-hotu bele sente katak Governu investe ona orsamentu boot ba ita nia irigasaun ita mos pelumenus tenki investe.

Nia esplika Liufuan poknasa ne’e signifika katak liafuan Pupuk Organiku ou Adubus Organiku Nasa nia implementasaun ne’e lori ita atu bele komprende, atu ita mos labele uza tan adubus kimiku. Adubus  Poknasa ne’e husi Indonésia adubus halo poknasa ne’e mai husi ai-tahan sira mak detekta hodi  bele produs pupuk organiku.

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login