Gifa MAP Aprezenta Rezultadu Peskiza no Atividade Servisu 2018

Estrela inativaEstrela inativaEstrela inativaEstrela inativaEstrela inativa
 

Fotografia/Elis/INFO-MAP

Dili- Gabinete Inspeksaun Geral no Auditoria MAP (GIFA) hala’o aprezentasaun rezultadu peskiza no atividade servisu 2019 ne’e hanesan primeiru aprezentasaun ne’ebe mak GIFA hala’o durante ne’e.

Servisu GIFA nian iha ministru laos atu halo investigasaun no laos atu buka ema nia sala maibé servisu Gifa atu halo peskisa no monitorin ba atividade MAP nian liu-liu atividade tekniku iha kampo atu hare progresu atividade ne’e to’o iha ne’ebe no presija hadia iha parte ne’ebe, esplika Ministru MAP Joaquim Gusmão Martins, iha loron Kinta -feira (28/2/19) iha salaun MAP Comoro.

Nia mos hatutan, Ministru rasik suporta no apoiu servisu GIFA nian atu nune’e  ba oin bele identifika no bele halo peskisa kona ba atividade MAP nian ne’ebe mak durante ne’e lao ladun diak neduni ba oin ita bele hamutuk tau hanoin hodi bele hadia atividade saida deit mak lao ladun diak hodi implementa atividade no programa ne’ebe mak ita planeia tia ona.

Iha fatin hanesan Inspetór Jeral GIFA Octavio da Costa M. De Almeida esplika katak, Workshop ida ne’e hanesan oportunidade ida ne’ebe diak tebes. husi Gabinete da inspeksaun Auditoria maka deriji, GIFA hari iha tinan 2009 to ohin loron halo servisu regulares E halo mos inspeksaun, maibe ida ne’e foin primeira ves halo aprezentasaun konaba rezultadu peskiza hirak ne’e.

Nia hatutan, ida ne’e hanesan esforsu ida ne’ebe maka GIFA halo no mos lideransa Ministro nian, hein katak ho apoiu tomak ne’ebe maka iha, ita sei hala’o servisu iha Ministériu ida ne’e diak liu ba iha futuru, atu bele mos atinji ita nia objetivu ou metas ne’ebe maka ita planeia ona.

Fotografia/Elis/INFO-MAP

“Fiar katak liu husi aprezentasaun hirak ne’e ami husi Gabinete Auditoria simu hanoin ou subjestaun ruma ne’ebe maka hato’o husi kolega sira, i ho presenza Sr.Ministro nian bele hala’o ami nia servisu ho diak liu tan, karik iha kolega implementadór sira ne’ebe maka iha sala ruma ita hamutuk bele hadia atu nune’e ba futuru ita bele dezenvolve ita nia Agrikultura ho diak liu tan.” Esperansa Octavio

Nune’e mos Prezidenti konsultivu Nasional CEPAD, João Boavida, sublinha katak, iha nia parte sente apresia tebes ho politika husi Ministro nian hodi loke dalan ba CEPAD ho Ministériu lobuk ida hodi kolabora hamutuk iha area Boa Governasaun liu husi GIFA ne’ebe badinas no ativu tebes iha Grupu konsultivu Nasional ba Boa Governasaun ne’ebe kompostu husi linas Ministériu sira hanesan, MAP, MF, Alfandega, Estatal, MSS, no mos membrus reprezentantes husi instituisaun save Estadu nian hanesan INAP, KFP, PDHJ, MP, CAC ho sira ne’e hotu CEPAD .

Fiar katak liu husi programa hirak ne’e hotu ita sei aposta iha kualidade transparensia iha mos responsabilidade iha ita nia hahalok no lalaok sira liu-liu wainhira ita desempenha ita nia funsaun nudar Xefi ou Diretor iha Instituisaun govenu nian.

Alende ne’e iha workshop ne’e mos entrega sertifikado ba kargu xefia no diretores sira ne’ebe mak Partisipa formasaun durante loron rua kona ba Hakbi’it Kuiñesimentu iha Seitór pùbliku ba Asaun Hasoru Korupsaun iha fulan janeiru liu ba iha Ministerio Agrikultura.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login