Notisia

MAP Lansa Loron Ai-Horis Nasional

Fotografia/Rono Rafina Lopes/INFO-MAP

Dili- Ministru Agrikultura e Peskas Joaquim Gusmão Martins (MAP) hala’o Konferensia Imprensa konaba lansamentu loron Aihoris Nasional iha loron 10 fulan Janeiru tinan ne’e, iha Minstro nia kna’ar fatin Comoro.

Tuir planu Iha loron 13 janeiru Ministru MAP ho nia ekipa sei hala’o lansamentu Ai-oan iha Suku Mane-Ha’at Postu Administrativu Laclubar Munisipiu Manatutu, no kontinua hala’o lansamentu iha loron 18 Janeiru iha Tasi-Tolu no Marabia, iha programa lansamentu ne’e sei konvida Prezidente da Republika Timor Leste Sr.Francisco Guterres Lu-ólo.

Agrikultura no Peskas sei hala’o lansamentu Ai-oan iha Municipiu Manantuto Postu Administrativu Laclubar Suku Mane Hat, iha loron 18 fulan janeiru ami sei hala’o iha Tasi tolu no iha Marabia iha plano mos ita nia Nai Presidente Sei tuir iha okoziun sira ne’e.

Ministro MAP esplika katak, total aihoris 1120 kompostu husi espesies ai-oan hanesan Aikameli, Aiteka, Mahoni, homos aifuan balu hanesan kuluzaka, Ai-ata, no seluseluk tan ne’ebe maka bele hetan husi Diresaun Jeral Florestas.

Timor Leste iha luan area Floresta por volta 869.000 hektares hodi okupa kuaze 58% hosi ita nia teritorio tomak, kondisaun agora ne’e kritiku tebtebes kada tinan kuaze ita lakon 14 mil hektares ai-oan ne’ebe primaria iha ita nia florestas, Situasaun ida ne’e sai hanesan ameasa bo’ot tebes ba iha area florestas Timor Leste nian.

Ministeriu Agrikultura no Peskas, liu husi Diresaun Jeral Florestas e plantas Industriais, tinan-tinan sempre produs ai-oan no ai-horis iha sentru viveirus permanente iha Maubara, Municipiu Liquiça hodi bele halo reflorestasaun ba iha teritoriu tomak.

To’o ohin loron iha ona 50 proposta ne’ebe maka hatama ba iha diresaun Jeral Floresta, nian atu bele hetan ai-oan sira ne’e, maibe importante teb-tebes Ministeriu Agrikultura Peskas liu husi Diresaun Jeral Floresta husu ba entidades hotu-hotu inklui NGO no grupo sira ne’ebe maka husu ona ai-horis iha Diresaun Jeral Florestas, atu bele kuda didiak ai-oan sira ne’ebe maka hetan ona, kuandu ita bo’ot sira simu ona ai-oan sira ne’e favor ida kuidadu halo didiak, atu nune’e bele moris hodi bele hafutar ita nia rai Floresta Timor Leste hodi bele sai verde liu tan.

 Planu VIII Governo Konstitusional atu kuda ai-oan miliaun ida kada tinan, ne’eduni komesa fulan Janeiru to Dezembro tinan ida ne’e mos sai hanesan parte ida atu alkansa planu ne’ebe maka Ministériu planeadu tiha ona. (Tyfa&Rono Rafina Lopes)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login