Notisia

Seitor Agrikultura sai hanesan seitor ida neébe importante ba Dezenvolvimentu Ekonomia Timor Leste

Fotografia/Reno Rafina Lopes/INFO-MAP

Dili- Komitmentu VIII Governo Konstitusional bazeia ba resolusaun Governo nu. 23/2017 ne’ebe haruka. Atu realiza Sensus Agrikolas Governo mos komprimitidu hodi tau orsamentu Geral Estado OGE 2019 nune’e hodi bele realiza sensus agrikolas ho susesu.

Ita hotu hatene katak Timor Leste Liu husi Ministeriu Agrikultura no Peskas foin primeira ves hala’o Sensus ba dahuluk depois Timor leste hetan nia independensia, Sensus agrikola sai hanesan fundasaun no baze ida para ita bele halo ita nia planeamentu ho desizaun ne’ebe maka ita foti ba iha dezenvolvimento Agrikultura, hateten Ministro MAP Joaquim Gusmão Martins iha Quinta-feira (10/01) iha nia kna’ar fatin Comoro.

 Ministru Joaquim Hateten katak, Seitor Agrikultura sei sai hanesan seitor ida ne’ebé importante ba Dezenvolvimentu Ekonomia Timor Leste, tanba dadus estatístika husi Sensus Populasasun ne’ebé iha hakerek momos katak populasaun Timor Leste kuaze 89% serbisu iha area agrikultura. Tanba durante neé ita hotu hatene katak, ita iha deit Census ba Populasaun no Sensu Uma Kain, no Agora dadaun atu implementa Sensus Agrikultura atual sei hahu iha fulan marsu 2019.

 Iha okaziaun ne Ministru mos informa liu tan, Sensus ida neé importante tebes hodi bele hatene lolos agrikultores hira no ema nain hira maka serbisu iha area agrikultura, rai hira maka sai potensial ba agrikultura, no populasaun hira maka hakiak animal. Liu husi dadus sira neé maka ita sei halo lolos, Tuir padraun internasional dadus ne’e ita sei uza hodi halo planu agrikultura ba oin.

Orsamento ba iha sensus agrikultura ita tau iha dotasaun tudo Governo ne’ebe maka iha ona, ita husu Prezidente bele promulga orsamento jeral estado 2019 atu bele implementa Sensus Agrikolas. (Tyfa & Reno Rafina Lopes)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login