Notisia

Ministru MAP fo Korajen Ba Funsionario Tomak Atu Servisu Seria No Profesional Iha 2019

 Fotografia/Reno Rafina Lopes/INFO-MAP

Dili- MAP hala’o enkontru evaluasaun ba servisu Funsionario Agrikultura tomak tinan 2018 no mos orientasaun servisu ba funsionario hotu iha tinan 2019 ne’ebe mak hala’o iha loron tersa-feira (8/1) iha salaun Igreja Catedral Vila Verde.

Iha Enkontru ne’e Ministru Agrikultura e Peskas Joaquim Gusmão Martins fo konrajen ba funsiaonrio MAP tomak katak iha tinan 2019 tenki servisu ho seriadade no profesionalimu.

Ministru MAP iha nia deskursu hateten katak, funsionario sira tenki hare fila fali programa prioridade hirak ne’ebe mak halo ona iha tinan 2018 balun ne’ebe mak la konsege halo tanba orsamentu limita ne’eduni hare mos iha tinan 2019 programa ne’ebe implementa ona tenki kontinua implmenta no fo prioridade ba nafatin ba produsaun hare no batar tanba rua ne’e hanesan produtu konsultivus ou hahan ne’ebe mak loron-loron povu konsumu.

Fotografia/Reno Rafina Lopes/INFO-MAP

Ita mos bele hare area seluk hanesan, area peskas, pekuaria no mos floresta ne’ebe mak bele hetan rendimentu ekonomia hodi bele hatama ba kaisa estadu tanba orsamentu 2019 ne’ebe mak ita aloka ona ba iha area ne’e idak-idak maske orsamentu ba rehabilitasaun irigasaun ba tinain ida ne’e laiha maibe iha tinan ida ne’e ita bele halo identifikasaun ba kanal irrigasaun hirak ne’ebe mak iha ona e saida mak presija ita hadia atu nune’e ita bele hare hotu tia para iha tinan 2020 ita bele tau orsamentu atu bele hadia no rehabilita irrigasaun refere. Tenik Joaquim.

  Joaquim Gusmão Martins, mos informa liu tan, Polítika Ministerio Agrikultura nia la halo tan konstrusaun ba irirgasaun foun maibe maximiza irigasaun ne’ebe maka agora dadaun ita iha, tamba ita iha irigasaun barak maibe komunidade ne’ebe maka halai natar ladun luan. Ho nune’e mak iha tinan 2019 ne’e ita tenki maximiza potensia irigasaun ne’ebe mak iha ida ne’e maka importante liu, ita halo foun maka ita la maximiza ne’e hanesan deit, tanba ita la halo monitorizasaun hanesan deit, diak liu ita hare sira ne’ebe mak ezisten ona, ita hare ita identifika depois ita bele hadia neduni 2020 ita bele tau osan atu hadia, tamba mudansa klimatika ne’e mos afeita irigasaun sira ne’e at.

Hanesan agora dadaun ita identifika iha Buluto ne’ebe mak grave uituan, hau foin simu relatoriu mai dehan katak iha buluto ninian estragus  maka’as ne’ebe agora dadaun ita hare dadauk atu mobiliza ita nia makinas balun maibe ita nia orsamentu mos seidauk aprova tan, lahatene los hare tok oinsa mak ita atu mobiliza ita nia makinas balun ba iha buluto para atu bele normaliza ita nia kanal irigasun iha ne’eba. Irigasaun Maliana 1 mos nia odomatan ne’e sei iha problema uituan, tamba ne’e maka prioridade tinan ne’e atu identifika hotu irigasaun sira ne’ebe mak iha para atu bele hadia.

MAP tenta para atu uza orsamentu ne’ebe maka aloka ona mai Ministeriu ho maximu, ho osan ne’ebe mak iha limitadu, maibe ida ne'e laos obstaklu ba ita no ita tenta para atu bele maximiza ita nia servisu.(E"J)

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login