Notisia

HAPAS- Observa Enkontru Konaba Reviu Planu Konselu Jestaun Basia Hidrografika Raumoco Lautem iha Suco Afabubo ,Municipiu Lautem

 

 

 

 

 

 

                                                                                                                                                                                                             Photo atividade: Reviu Planu Konselu Jestaun Basia Hidrografika Raumoco,Suco Afabubo

 

 Afabubo- Data 06 Novembru.2018 . Hasa'e Produtividade Agrikultura Sustentavel - HAPAS  Depois remata husi Apresentasaun Projetu HAPAS/SAPIP ba Official SMA (Servisu Municipal Agrikultura ) iha municipiu lautem,koordenador Estensionista no Estensionista husi Suco Alvu Projetu HAPAS nian iha Raumoco Lautem iha Data: 05 Novembru.2018 , Fatin: Salaun Enkontru MAP-Munisipiu Lautem . Hapas Timor Leste  Kontinua partisipa no observa enkontru iha Sede Suco Afabubo Munisipiu Lautem ho Topico “  Reviu Planu Konselu Jestaun Basia hidrografika Raumoco  Lautem iha Suco Afabubo " Data: 06 – 07 Novembru.2018, durante loron rua(2), Fatin: Sede Suco Afabubo ,Posto Administrativo Lautem. Partisipante inklui  : Equipa HAPAS, Ngo Hivos ,Extecionista ,Komandante PNTL Luro,Xefe suco AFabubo ,Xefe Aldeia ,Komunidade Suco Afabubo no Administrador Munisipiu Lautem.

Objetivu  husi estabelesimentu  Konselu Jestaun Basias Hidrografikas maka hanesan tuir mai nee :

  • Redus Insidensia ba eventu degradasaun embiental hanesan sunu rai, esploitasaun illegal, husik animal livre iha area Jestaun Basia Hidrografikas
  • Hadia Kondisaun Floresta no Rekursu Naturais Mak Hanesan Floresta, rai, be’e iha area basias Hidrografika
  • Mantein no Hadia Vida Moris komunidade local nian iha basias hidrografika
  • Hasa’e kapasidade lideransa suku sira no mos ba komunidade iha suku tarjetu hodi maneja floresta no rekursu naturais ne’ebe apropriadu ho sustentavel

 

  Hodi loke sorumutu ba dahuluk  “ Reviu Planu Konselu Jestaun Basia hidrografika Raumoco  Lautem iha Suco Afabubo dia 06 Novembru 2018 . Administrador municipiu Lautem Sr.zeferino Dosantos Sequira hateten katak :  “ Primeiru hau hakarak informa  katak hanesan administrador munisipiu lautem hau rasik mos sai hanesan membru husi Konselu Jestaun Basia Hdrografika Raumoco Lautem ,kargu  hanesan administrador nee iha servisu guvernu nian maibe iha nee ita hotu hanesan membru iha konselu Jestaun Basia Hidrografika Raumoco ,needuni  liu husi konselu ida nee ita hotu tengki servisu hamutuk no fo apoiu ba malu atu nunee konselu ida nee bele lao ho diak, importante liu mak ema hot-hotu tengki sente nain ba iha projetu ida nee atu nunee bele fo benefisu ba iha ita nia komunidade . Resultadu Ikus liu husi Reviu Planu Konselu Jestaun Basia hidrografika Raumoco Lautem partisipantes hotu konkorda Sr.Administrador Muncipiu Lautem Sr.zeferino Dosantos Sequira, mak sai hanesan Presidente Konselu Jestaun Basia Hiodrografika Raumoco Lautem nomos, liafuan ida nee  haforsa liutan husi Sr.Jose Da costa Montreiro hanesan Kordenador Jestaun Basia Hidrografikas Raumoco katak :  ba oin ita sei bolu Sr.administrador  Munisipiu Lautem ho naran Presidente Konselu Jestaun Basia Hidrografika Raumoco Lautem nian ba iha atividade Projetu Hasa’e Produtivdade Agrikultura Sustentavel – HAPAS  iha Basia Hidrografika Raumoco.

 Antes atu taka enkontru iha dia 07 Novembru 2018  Presidente Konselu jestaun Basia Hidrografikas Raumoco ,Sr. Zeferinu Dosantos Sequira Hanesan mos Presidente Konsleu Jestaun Basia Hidrografikas Raumoco  hatoo katak : xefe suco sira mak nain ba iha Grupos Agrikultores iha sira nia suco laran,Sekuandu forma grupo karik labele hili ema nebe maka iha relasaun familia ka ita nia familia deit ,maibe ema hot-hotu iha direitu hanesan labele halo hanesan  istilah bahasa Indonesia dehan katak “ Anak Tiri “  sekuandu ida nee mak identifika no hetan iha grupo laran hau rasik sei fo para ba grupo refere atu labele kontinuatan sira nia atividade.Liafuan ikus husi Presidente Konselu KJBHR nee hanesan liafuan ikus liu hodi taka sorumutu iha lorkarik horas 17:00 otl.

Photo : Atividade Reviu Planu Konselu Jestaun Basia hidrografika Raumoco  Lautem iha Suco Afabubo dia 06-07 Novembru 2018

 

 Reported by : Reha Comm,HAPAS/SAPIP

Photographer by : RehaComm

 

 

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login