Notisia

Lansamentu Programa Pilotu Cencos Agricolas 2018 no Cencos Atual 2019

Fotografia/Reno Rafina Lopes/INFO-MAP

Dili-Ministeriu Agrikultura no Peskas hamutuk ho Diresaun Jeral Estatistika (DJE), Ministeriu Finansas lansa Pilotu ba Censos Agricolas2018. Tuir agenda Pilotu Cencos Agrikultura sei realiza iha 26 novembru to’o 13 Dezembru 2018. Pilotu neé halao iha Munisipiu 8 nebe sei kobre suku 30. Seremonia ne’e halao iha loron , 19/11 iha resintu Map Comoro.

Ministru Agrikultura no Peskas Joaquim Gusmão Martins Hatete katak, Seitor Agrikultura sei sai hanesan seitor ida neébe importante ba Dezenvolvimentu Ekonomia Timor Leste, tanba dadus estatistika nébe iha husi Sensus Populasasun iha neé ba hakerek momos ita nia populasaun Timor Leste maizomenus 89% serbisu iha area agrikultura. Tanba ne sai hanesan area ida neébe inportante tebes ba dezenvolvimentu ekonomia Timor leste. Durante neé ita hotu hatene katak, ita iha deit Census ba Populasaun no Sensu Uma Kain, agora ita lansa Censos Agrikultura.

Iha okaziaun ne Ministo mos hatutan, Censos ida neé importante tebes, hodi bele hatene lolos agrikultores hira no ema nain hira maka serbisu iha area agrikultura, rai hira maka sai potensial ba agrikultura, no populasaun hira maka hakiak anima,dadus sira neé maka ita sei no lolos. Tuir padraun internasional dadus ne’e ita sei uza hodi halo planu agrikultura ba oin, ohin ita lansa Pilotu Censos Agricolas ba Municipiu 8, suku 30, no Cencos Aktual sei realiza iha tinan oin iha fulan marco 2019.Tenik Joaquim

 Iha pilotu sensu neé ita sei koko ita nia kuesionariu no pergunta neébe sei husu ba Agrikultor sira, tabela neébe maka ita fahe iha kesionariu laran no perguntas, sira neé apar ka lae, ho ita nia situasaun. Karik la apar, iha pilotu nia laran neé ita bele muda hodi ajusta hodi responde iha kampo.

Ministeriu Agrikultura hili deit municipiu 8 sai Albu ba Cencos Agrikultura, ida neé hanesan pilotu no koko uja instrumentu hotu tuir padraun Cencos Agrikultura, karik nia resultado la oho susesu, nuneé iha Marco 2019 ita implementa Cencos Aktual ba Timor Laran tomak.

Fotografia/Reno Rafina Lopes/INFO-MAP

Entertantu iha fatin hanesan, Direktor Geral Diresaun Nasional Estatistica Elias dos Santos Ferreira esplika, Pilotu ne’e rasik sei hala’o iha municipiu 8 suku 30 husi parte leste kobre Munisipiu Baucau no Vikeke, parte rai klaran kobre Munisipiu Aileu, Manufahi, Ermera, no Oeste sei kobre Municipiu Bobonaro, Kovalima, no inklui RAEOA.

Entervistador nebé mai tuir Treinamentu, mai husi kada suku, iha suku supervisor ida kaer GPS (Global Positioning System) ida ho interevistador. Ninia responsabidade maka oinsa ba sukat tos, ho natar ba uma kain agrikultor sira nian. Treinamentu hahu ona hodi nune’e bele domina kesionariu ne’ebe maka iha, ita sei iha android, ekipamentus elektronika atu halo intervista. Ita muda husi sistema tradisional ba elektroniku. intervista uma kain uza Anroid, nia benefisiu maka bainhira intervista hotu, dadus sira husi suku manda direitamente mai iha Nasional hodi nune’e ita bele enkaixa dadus no ita bele anunsio dadus iha tempu badak.

Iha Pilotu Cencos Agricolas ne’e perguntas kuaze 142, treinamentu oinsa halo interevista ba uma kain uza kesionariu ne’e tenke domina hafoin kesionariu ne’e rasik sei uza android, uza GPS hodi sukat natar no to’os, entre uma kain ho tos ne’e kuaze do’ok tanba ne’e maka husi pilotu ita sei iha sensu lolos, ne’e iha tinan 2019.

Pilotu ida ne’e ita iha intervistador hamutuk 120 mai husi kada suku. Deresaun Jeral Estatistica no Ministeriu Agrikultura ba halo Selesaun serbisu hamutuk ho Prezidente kamara Municipiu sira inklui mos Chefe Suku sira hodi hatene lolos kandidatu ne’e mai duni husi nia Suku

Iha diferensia Pilotu ho Censos Atual, Husi pilotu ne’e ita atu koko kesionariu, husi perguntas hotu nebe hato’o lao diak ka lae, distansia husi uma ba tos ne’e oinsa, hodi nune ita bele halo planu ba tinan oin. Ita bele halo regulamentu no presiza kandidatu ba enumeradores hira. Tamba ne maka suku balu iha tasi ibun ita bele hatene husi peskador, tamba nia hela iha fatin ida nia lao ba tos ne’e kuaze lao ho distansia kilometru hira, instrumentu hotu sei uza ho maximu. Uma kain sei lori minute hira kundu halo intervista, no seluk tan. Husi hira hirak ne’e hotu maka bele hanetne dadus plano nebe ita sei halo ba Cencos Atual tinan 2019.

 

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login