Notisia

Municipiu 8 Sai Albu ba Pilotu Sensu Agrikultura 2018

Visita Programa Radio Joven Agrikulturahttps://www.mixcloud.com/elissousa/

.Fotografia/Rozer Lopes/INFO-MAP

Dili- Sekretariadu Sensu Agrikultura hala’o Enkontru ho Diretores Municipiu 8 mak hanesan municipiu Aileu, Manufahi, Ermera, Baucau, Viqueque, Covalima, Bobonaro, Oecusse ne’ebe sai albu ba Pilotu sensu agrikultura 2018 iha salaun Sekretariadu Sensu Agrikola MAP Comoro –Dili 24/10.

Diretor Nasional Pesquiza Estatistica e Informasaun Georafia Claudino Ninas Nabais Hateten katak, engkontru ida ne’e konvida Diretor Regiaun no Diretor Municipais sira ne’ebe sira nia area sai hanesan fatin ba pilotu Sensu agrikutura mai partisipa tanba iha relasaun ba implementasaun pilotu sensu ne’ebe maka se implementa iha inisiu iha fulan Dezembru.

Nia Akresenta, bazeia ba rezulusaun director sira mos sai hanesan membru unidade nivel Municipiu nian, tanba ne sira mos presija konsentra ba iha implementasaun pilotu sensu agrikultura ida ne’e atu bele apar  ba aktividade ne’e husi inisiu to’o ohin loron hanesan saida maka hala’o tia ona no sira nia responsavelidade nivel Municipiu, saida maka sira sei prepara atu bele ajuda no kontrubui ba implementasaun sensu pilotu ida ne’e.

Fotografia/Rozer Lopes/INFO-MAP

Aktividade lubuk ida maka ita hala’o tia ona maibe ita presija koalia ho Diretores sira konaba sira nia papel iha nivel Municipiu tanba Sira reprezenta  Ministeriu agrikultura iha Municipiu. Dadus ne’ebe maka rekolha iha sensu pilotu ida ne’e iha ligasaun ho agrikultura no sei autoriza iha nivel Municipiu tanba ne’e maka sira mos iha responsavelidade hodi kontruibui ba sensu Pilotu ida ne’e.

Diretor Municipiu sira sei involve iha prosesu rekrutamentu hodi fo apoiu no akompaina rekrutamentu ida ne’e ho ekipa husi Nasional hamutuk ho DJE.  Ohin Diretores sira mos kestiona konaba rekrutamentu ne’e katak Enumerador ne’ebe maka sei hetan rekruta ne’e tenke koresponde rekizitus ne’ebe ita hakarak tanba ne’e maka sira sujere no rekomenda para atu bele involve iha prosesu ne’e hodi bele hatene no bele evita tendensias balu ne’ebe bele mosu.

Iha engkontru ne’e hato’o mos katak alvu sira ne’ebe maka ita defini ona sai hanesan sampel ou amostra laos suku hot-hotu no laos aldei hot-hotu maibe aldeia sira ne’ebe maka tama ba iha amostra deit ou area ne’ebe determinadu ona para  hodi ba direitamente ba alvu sira ne’e.

 

Tags: ,

Rua : Av. Nicolao Lobato Comoro
Dili ,Timor-Leste

Kontaktu ami : 

Telp: +670 330 3333
E-mail: Este endereço de email está sendo protegido de spambots. Você precisa do JavaScript ativado para vê-lo.
Website: http://maf.gov.tl

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login