Tratores Balun Iha Munisipiu Aileu Presiza Halo Manutensaun

Estrela inativaEstrela inativaEstrela inativaEstrela inativaEstrela inativa
 

Fotografia/Roger Lopes/INFO-MAP

Aileu- Ministru Agrikultura e Peskas (MAP) Joaquim José Gusmão dos Reis Martins hala’o vizita trabalhu ba Munisipiu Aileu hodi hare diretamente tratores hirak ne’ebe maka lokaliza iha Munisipiu refere, oras ne’e iha tratores balun ne’ebe maka avaria ona tanba ne’e presiza halo manutensaun.

Hau nia intensaun ne’e hakarak fo volta ba Distrito sira ne’e atu hare trator sira ne’ebe mak iha, trator sira ne’e liu ona tinan sanulu (10), trator barak liu mak avaria ona no presija hadia, agora dadaun trator 6 maka bele halo operasaun fila rai maibe 4 deit maka funsiona ho diak, trator 2maka avaria labele halo operasaun serbisu iha kampo, Hateten Ministro MAP Joaquim José Gusmão dos Reis Martins hafoin hala’o nia vizita trabalhu loron Segunda (08/10) iha Munispiu Aileu.

 Nia hateten, oras ne’e dadauk tratores 4 de’it maka funsiona ho diak, maibe 2 sei avaria hela, ida ne’e afeita tebes ba ita nia agrikultor sira iha kampotanba ne’e presiza halo manutensaun. No trator balu ita prepara dadaun ona atu tama ba iha prosersu lelaunhodi ita bele hare no renova fila fali ita nia makina sira ne’e.

Fotografia/Roger Lopes/INFO-MAP

Nia akresenta, Agrikultor balu mos kestiona konaba konbustivel, durante ne’e Governu oferese konbustivel gratuita, maibe ita hare iha tinan 2017-2018 ita nia orsamento mos lao de’it ho Dua decimo, orsamentu konbustivel ne’e limitadu teb-tebes, ida ne’e sai mos hanesan konsekuensia ida ba ita nia Agrikultor, sira mos tenke hasai sira nia osan rasik hodi sosa konbustivel hodi fila sira nia rai.

Iha fatin hanesan Diretor Serbisu Agrikultura Munisipiu Aileu Gallieni Gailhoshateten katak, agora sira nia kondisaun trator bo’ot maka avaria hotu ona labele halo operasaun, iha semana kotuk tratores rua tenki para tanba seidauk halo manutensaun.

“Ami mos iha difikuldade konaba kombustivel, maibe ami nia komunidade sira rasik hasai sira nia osan hodi sosa kombustivel hodi fila sira nia rai, ida ne’e mos hanesan atu eduka ita nia Agrikultor sira diak liu tan ba iha Futuru.” Hateten Galhos

Iha momentu ida ne’e Ministro MAP akompanha husi Diretora Jeral Agrikultura Hortikultura, hala’o mos vizita ba area floresta sira hanesan: ai-kakau, ai-kasi, ai-ruu, Nespra no ai-Kafé ne’ebe maka lokaliza iha Suku Solerema no mos Fleixa.

 Visita Programa Radio Joven Agrikulturahttps://www.mixcloud.com/elissousa/

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login